Hevpeymana Navdewletî ya li dijî DAIŞê ya bi pêşengiya DYA ragihand ku ji destpêka meha Çileyê û vir ve hemû hêzên xwe yên çekdar ji Iraqê vekişandine.
Vekişandin ji ber pêşkeftinên ku Hêzên Asayîşê, Pêşmergeyên Kurdistanê û Hêzên Iraqî ji bo jinavbirina Rêxistina Terorîst a Îslamî DAIŞê pêk anîne. Beşa mayî ya hêzan dê tenê erkên şêwirmendî û fêrkariyê bikin ji Hêzên Pêşmerge yên Kurdistanê û Hêzên Iraqê re ji bo têkbirina tevahiya bermahiyên çekdarên DAIŞê ku niha li devera ewlekariya Hêzên Pêşmerge û Artêşa Iraqê di tunelan de dijîn.
Hêjayî gotinê ye ku di sala 2014an de dema DAIŞ li Iraq û Sûriyeyê derket holê, hêzên Hevpeyman yên bi serkêşiya DYA alîkariya lojîstîk, îstîxbarat, perwerde û bikaranîna hêzên hewayî ji bo Pêşmerge û Hêzên Iraqê kirin.
Di dawiya sala 2017an de tevahiya herêmê ji terorîstan hate paqijkirin. Hêza Pêşmerge hêzeke bi bandor bû ji bo tunekirina DAIŞê û rizgarkirina wê herêmê ku ji sêyan yekê xaka Iraqê dagir kiribû.
