دوای ئەوەی میدیاکانی ئەوروپا زانیاریان بڵاوکردەوە، کە پەناخوازێکی کامیرۆنی، پاسەوانی کەنارئاوەکانی یۆنانی تۆمەتبار کردووە، بەوەی لەگەڵ دوو هاوەڵی فڕێ دراونەتە نێو دەریاوە، لە بەرانبەریشدا یۆنان ئەو هەواڵە ڕەت دەکاتەوە.
حکوومەتی یۆنان، ئەو ڕاپۆرتە میدیایانەی ڕەتکردەوە، کە گوایە پاسەوانی کەنارئاوەکانی ئەو وڵاتە پەنابەرانیان فڕێدابێتە نێو دەریا، وەزیری کۆچ و کۆچبەرانی یۆنانی، ڕایگەیاند، کە ڕەنگە ئەم جۆرە ڕاپۆرتانە دەرئەنجامی چەواشەکردنی زانیارییەکانی تورکیا بێت، وە یۆنان سنوورە دەرەکییەکانی یەکێتی ئەوروپا دەپارێزێت.
