کۆنفدراسیۆنی ڕەوەندی کوردستانی لە بانگەوازێکدا داوا لە کورستانیانی دەرەوە دەکات ،بەجۆش و خرۆشەوە لەو ڕێوڕەسمانەی ناوەندی هاوکاری حیزبەکانی کوردستانی ئێران بەشداری بکەن ،هەروەها دوپاتی دەکەنەوە پشتیوانی لە خەباتی ڕەوای نەتەوەکەمان لە ڕۆژهەڵات دەکەن .
دەقی بانگەوازەکەی کۆنفدراسیۆنی ڕەوەندی کوردستانی :-
بانگەواز
هاونیشتمانیانی بەڕێز
كوردستانیانی تێكۆشەر
هەر وەكوو ئێوەی بەرێز ئاگاداران ”ناوەندی هاوكاری حیزبەكانی كوردستانی ئێران” لە بەیاننامەیەكدا ڕایگەیاندوە كە بۆ پشتیوانی لە شۆرشی ژیناو جۆشدانی خەبات دژی بێدادی و ستەم لە ئێران، لە چەند وڵاتی دەرەوە جەژنی نەورۆز بە شێوەیەكی تایبەت بەڕێوە دەبەن و لەم پێوەندییەدا كۆمەلێك ڕێكارو بەرنامەیان داڕشتوە.
لە ڕێگای ئەم بانگەوازەوە وێرای پشتیوانی لەو هەنگاوەی حیزبەكانی ڕۆژهەلاتی كوردستان، داوا لەسەرجەم كوردستانیانی دەرەوە دەكەین بە جۆش و خرۆشەوە لەو ڕێورەسمانەی ”ناوەندی هاوكاری حیزبەكانی كوردستانی ئێران”دا بەشداری بكەن و بەم جۆرە پشتیوانی خۆیان لە خەباتی ڕەوای نەتەوەكەمان لە ڕۆژهەڵاتی كوردستان دووپات بكەنەوە.
بە سوپاسەوە
كۆنفیدراسیۆنی ڕەوەندی كوردستانی
15.03.2023
