لە چل و سێیەم ساڵیادی جینۆسایدی و ڕاگواستن و دەربەدەرکردنی کوردانی فەیلی لەلایەن حکومەتی پێشوی عێراق کەژمارەیەکی زۆر لە کوردانی فەیلی بوونەقوربانی دەستی ڕەگەزپەرستی و ناحەزانی کوردو کوردستان ،کۆنفدراسیۆنی ڕەوەندی کوردستانی بە ڕێز و شکۆوە یادیان دەکاتەوە
قوربانیانی گەلی کوردستان بەدەست دوژمن و ناحەزانی تەنیا تەنیا لەبەر کورد بوون بووە ،چونکە کوردستان هەمیشە مەڵبەندی پێکەوەژیان تەواوی نەتەوە و ئاین و ئاینزاکانی کوردستان بووە ،بەڵام داگیرکەران و دوژمنان ویستویانە تۆی دوبەرەکی و دوژمنایەتی بچێنن ،لەوڕێگاییەوە درێژە بە تاوان و دژیەتییەکردنی گەلی کوردستان بدەن
بۆیە لە ساڵیادی ئەم تاوانەدا ،کۆنفدراسیۆنی ڕەوەندی کوردستانی سەری ڕێز و نوازش بۆ شەهیدانی کوردانی فەیلی دادەنوێینن ،سڵاو و شکۆمەندی بۆ کەسو کاریان ،قوربانیدانی کوردانی فەیلی مایەی ڕێزو ستایشە بەڕێز و شکۆمەندییەوە یادیان دەکەینەوە
بژی پێکەوەژیان و برایەتی تەواوی نەتەوە وئاین و ئاینزاکانی کوردستان
کۆنفدراسیۆنی ڕەوەندی کوردستانی
04.042023
