ڕۆژنامەی “ڤێڵت ئام زۆنتاگ” ڕۆژی یەکشەممە لە راپۆرتی خۆیدا رایگەیاند، ئەڵمانیا لە ناو وڵاتانی یەکێتی ئەوروپا لە پلەی یەکەمدایە .
ڕۆژنامەکە دەڵێت، لە نیوەی یەکەمی ئەمساڵدا 194808 داوای مافی پەنابەرێتی پێشکەش بە وڵاتانی یەکێتی ئەوروپا کراوە، هەروەها نەرویج و سویسراش راپۆرتێکیان لە لایەن بەڕێوەبەرایەتی ئەوروپا بۆ پشتگیری لە داواکاری مافی پەنابەرێت… هاوکات 47 هەزار و 231 داوایی مافی پەنابەری لە ئەڵمانیا تۆمار کراون . لە ڕاپۆرتەکەدا ئەوە ڕوون و ئاشکرایە کە 36 ٪ ی پەناخوازان خەڵکی سووریان و 18 ٪ یان ئەفغانین و 6 , 6 ٪ ی خەڵکی عێراقن .
دووەم وڵات لەڕووی داوایی مافی پەنابەریەوە ، بەپێی ڕۆژنامەکە ، فەرەنسایە (32212) ، بەدوایدا ئیسپانیا ( 25823 ) و ئیتالیا ( 20620 ) . لە کۆتایی لیستەکەدا هەنگاریا ( 19 ) ، ئیستۆنیا ( 30 ) و لاتڤیا ( 58 ) .
پێشتر هۆرست سیهۆفەر، وەزیری ناوخۆی ئەڵمانیا نیگەرانی خۆی دەربڕی بوو سەبارەت بە دۆخی ئێستای کۆچ کردن لە دژی زیادبوونی ژمارەی ئەو کۆچبەرانەی لە ڕێگای بەڵکانەوە خۆیان دەگەێننە ئەڵمانیا .
وەزیر ئاماژەی بەوەدا کە پێشتر ، دانیشتوانی ئەڵمانیا هەمیشە چاوپۆشییان لە دۆخی پەنابەران کردووە و کێشەیان لەگەڵ ھاتنیان نەبووە لەسەر خاکی کۆماری ئەڵمانیای فیدراڵ . پێشتر باس لەپەسەندکردنی تەنیا 200 هەزار کەس لەساڵێکدا کراوە بەڵام کاتێک ژمارەی پەنابەران زۆر بوون ، کێشەی کۆمەڵایەتی و سیاسی لەو وڵاتەدا دروست بووەو ناڕەزایەتیەکان زیادبوون .
ئەو وەزیرە ڕایگەیاند، ساڵی ڕابردوو زیاتر لە 102,5 هەزار کۆچبەر داوای مافی پەنابەرێتیان لە ئەڵمانیا کردووە
