کۆنفدراسیۆنی ڕەوەندی کوردستانی، پەیامێکیان لە ساڵەوەگەری جینۆسایدی بارزانییەکان بڵاوکردەوە، کە ئەمەی خوارەوە دەقەکەتی:
دەقی پەیامەکە:
جینۆسایدی بارزانییەکان، بەشێک بوو لەو کۆمەڵکوژیانەی ڕژێمی بەعس کە دژ بە گەلی کوردستان دەیکردن، وەک بێسەروشوێنکردن، ئەنفال، زیندانیکردن و کیمیابارانکردنی ناوچە جیاجیاکانی کوردستان، ئەمرۆ 40 ساڵ بەسەر تاوانی کۆمەڵکوژی 8 هەزار بارزانی دا تێپەڕ دەبێ کە تەنیا تاوانیان کوردبوون بوو.
لەم یادە تراژیدیایەدا سەری رێز بۆ گیانی پاکی قوربانیانی ئەو تاوانە سامناکە دادەنەوێنین، هاوکات رێزی بێ پایانمان بۆ کەسوکارە سەربەرزەکانیان دووپات دەکەینەوە .
ئێمە هیواخوازین سەرجەم کوردستانیان یەک دەنگ و یەکڕیز بن تاکوو جارێکی دیکە بوار نەدرێتە دوژمنانی نەتەوەکەمان تاوانی هاوچەشن دژی گەلەکەمان دووپات بکەنەوە.
نەمری بۆ گیانی پاکی ٨ هەزار بارزانی ئەنفالکراو.
بەرزو بەرێز بێ یادی گشت شەهیدانی کوردستان
کۆنفدراسیۆنی ڕەوەندی کوردستانی
2023.07.31
