لە پەیامەکەیدا، کۆنفیدراسیۆنی ڕەوەندی کوردستانی سەرکۆنەی هێرشکردنە سەر بازاڕێکی کریسمس لە ئەڵمانیا دەکات.
کۆنفیدراسیۆن ھاوکات داوای بەردەوامی کارکردن لەسەر پێشخستنی پێکەوەژیان لە کوردستانییانی تاراوگە دەکات.
دەقی پەیامەکە:
بە ھۆی ئەو ھێرشە نامرۆڤانەییەی کرایە سەر بازاڕی کریسمس لە شاری ماگدیبۆرگ، ئێمە وەک کۆنفیدراسیۆنی ڕەوەندی کوردستانی ئەو کارە دژ بە گەلی ئەڵمانیا ، سەرکۆنە دەکەین.
ئێمە وەک کۆنفیدراسیۆن ھەردەم کار لەسەر پێکەوەژیانی گەلان دەکەین و خۆمان بە خاوەن ناسنامەی ئەو وڵاتانە دادەنێین کە لە ڕۆژگارە سەختەکاندا دەرگای وڵاتیان بەڕووماندا کردەوە.
ھەربۆیە داوا لە سەرجەم فیدراسیۆن و ڕێکخراو و کەسایەتییەکان دەکەین بەشێکبن لە شوناسی پێکەوەژیان و بە تووندی دژی ئەو جۆرە کارانە بوەستنەوە کە دەبنە ھۆکاری گێژا و نائارامیی وڵاتی خانەخوێیان.
ئیسماعیل کامل
سەرۆکی كۆنفیدراسیۆنی ڕه‌وه‌ندی كوردستانی
٢٠٢٤/١٢/٢١
