فیدراســیۆنی ژنـانی دیاســپۆڕای کوردستانی لە ڕۆژی ٨ی مارس، پیرۆزبایی لە ژنانی جیهان بەگشــتی و ژنـانی کورد بەتایبەتی دەکات، و ڕێز لە خەباتی ماندوونەناســانەی ژنانی بەهێز و بوێر دەگرێت کە بەردەوام تێدەکۆشــن بۆ یەکســانی، دادپەروەری و ئازادی.
پرســى ژنان ئەمڕۆ لەجیهاندا پرسـێکى گشتگیرە و بووە بە پێوەرێک بۆ خەباتى هەمەچەشــنەى ئازادى و ڕێزگرتن لەمافەکانى مرۆڤ و بنەماکانى دیموکراسـى.
ئاشــکرایە کە ژنانی کورد خاوەنی ئیرادە و میراتی خۆڕاگری و هێزێکی بێکۆتان، مێژووی ژنانی کورد ناسـراوە بە بەرەنگاربوونەوەی چەوســانەوە بۆ مافی چارەنووس.
ئەم ڕۆژە بۆ فیدراسـیۆنی ژنانی دیاســپۆڕای کوردسـتانی، تەنها ڕۆژی پیرۆزبایی و ئاهەنگگێڕان نیە، بەڵکو بیرهێنانەوەی ئەو ململانێ و بەرەنگارییانەیە کە ژنان تا ئێستاش ڕووبەڕوویان دەبنەوە، چ لە کوردستان و چ لەجیهان.
ڕوونە کە ڕۆژ و بۆنەی ٨ی مارس هەڵقووڵاوی بیری ســەربەستی، و قبووڵ نەکردنى سـتەم و زوڵم جیاکارییە دەرهەق بەژنان و نیشــانەى بەرەنگارىی و داکۆکیکردنە لە مافەکان.
هاوکات ٨ی مارس رۆژێکە بۆ بەرزنرخاندنى رۆڵى ئەو ژنـە تێکۆشــەرانەى کە دژى هەموو ئەو کۆت و بەندانە وەسـتانەوە کە ببوونە بەربەست بۆیان، دواتر کرانە سیمبولی خەباتى ژنان بۆ ژیانێکى باشـتر کەتێیدا رێز لە بەهـاکان و مافەکانی ژنان بگیرێت.
ژنان هەمووکات و لەساتە سەختەکانیشدا پێشەنگ بوون، لە شۆڕشەکان سەرکردایەتی بزووتنەوەی پێشکەوتووخوازانەیان کردووە، و بەردەوام هیوایەکیان بۆ نەوەکانی داهاتوو دروست کردووە.
ســەرباری ئەمانە تائەمڕۆش بەئاشکرا دەبینین لە فەرمانگەکان و شوێنی کارکردندا، لە هەمان جۆر و چەندیێتی کاتژمێری کارکردندا نادادپەروانە ژنان کەمتر لە پیاوان داهاتیان هەیە، و هێشتا ڕووبەڕووی هەڵاواردنی پێکهاتەیی و نایەکسانی ئابووری و هەروەها تووندوتیژیی ڕەگەزی دەبنەوە، و زۆرجاریش دەنگیان لە پرۆســەکانی بڕیاردان پشتگوێ دەخرێت.
ئێمە وەک ژنانی کورد لە دیاسپۆڕا، بە ئەرکی خۆمانی ئەزانین کە دەنگمان بەرز بکەینەوە لەبری ئەوانەی ناتوانن گوزارشت لە لەئازاری خۆیان بکەن، و دەنگ و هاواریان نابیسترێ.
ئێمە پێکەوە ئەبێت بەرەو جیهانێک بچین کە هەموو ژنان بەبێ لەبەرچاوگرتنی پاشخان، ئایین، ڕەنگ، کەلتوور و بارودۆخی ژیان، ئازادییان هەبێت بەبێ ترس، بێ جیاکاری و بێ چەوساندنەوە بژین.
ئێمە باوەڕمان بە هێزی یەکدەنگی کۆمەڵگا هەیە، وەک بزووتنەوەیەک، بە خەباتی بەردەواممان دیدگایەک بۆ داهاتوویەکی دادپەروەرانەتر بنیاد دەنێین، بۆ ئەم مەبەستە دەتوانین لە ڕێگەی چالاکی و ڕێکخستنی پەروەردەوە گۆڕانکاری دروست بکەین. ئێمە نەک تەنها بۆ خۆمان، بەڵکو بۆ نەوەکانی داهاتوو خەبات دەکەین، بۆ ئەوەی بتوانن لە جیهانێکدا بژین، بە ئازادی و کەرامەتەوە گەورەببن، و ڕەگەز چیتر بەربەست نەبێت لەبەردەم دەرفەت و ئازادیدا. ئەمەش بەتەنها ئەرکی ژنان نیە، بەڵکو ئەرکى تەواوى چین و توێژەکانى کۆمەڵگەیە کە داکۆکى لە مافەکانى ژنان بکەن، بەتایبەتیش دام و دەزگا باڵاکانى هەرێمى کوردستان و پێویستە هەوڵی خۆیان بخەنە گەڕ بۆ چاکتر کردنى رەوشى ژنان لەکوردستاندا.
ڕۆژی ژنان پیرۆز بێت لە هەموو ژنان، بەتایبەت ژنانی خەباتکار و تێکۆشەرانی کوردی بەهێز و بوێر.
فیدڕاســـیۆنی ژنانی دیاسپۆڕای کوردســتانی
