ئەو گەنجانەی هەرێمی كوردستان، كه له لایه‌ن توركیاوه دیپۆرتی وڵاتی سووریا كرابوون، دەگه‌ڕێندرێنه‌وه هه‌رێمی كوردستان.
کۆچبەره کوردەكان ژماره‌یان 57 كه‌سه و خه‌ڵكی هه‌رێمی كوردستانن، دوای ئه‌وه‌ی له توركیا ده‌ستگیر كرابوون، به هۆی ئه‌وه‌ی گوتبوویان له سووریاوه رایانكردووه، ده‌سته‌ڵاتدارانی توركیا دیپۆرتی سووریایان كردبوونەوە.
بەپێی زانیارییەکان، بڕیاره ئه‌مڕۆ، هه‌ینی، ئەو گەنجانە بگه‌ڕێنه‌وه هه‌رێمی كوردستان و كاتژمێر 4ی پاش نیوەڕۆ بگەنەوە دەروازەی ئیبراهیم خەلیل.
په‌نابه‌ره‌كان له ناوچه‌ی ئه‌عزازی سه‌ر به پارێزگای حه‌له‌بی باكووری سووریا و هاوسنووری توركیا ده‌ستبه‌سه‌ر كراوون.
