ل بەراڤێن ئیسپانیا 277 کۆچبەر دهێنه رزگار کرن
ل بەراڤێن ئیسپانیا و گراڤێن بالەئاریک د 24 دەمژمێرێن رابوور دا، 277 کۆچبەر هاتنە رزگار کرن، دایکەکا دوجانی و 5 زارۆکێن وێ ژی د ناڤ وان کۆچبەران دا نە.
ل گۆری رێخستنا خاچا سۆر یا ناڤنه‌ته‌وی، دوهـ رۆژا سێشه‌مبێ 28/9/2021ێ، هه‌ژمارا 277 كۆچبه‌ران ل به‌راڤێ ئیسپانیا هاتنه رزگار كرن، ژنه‌كا دوجانی و 5 زارۆكێن وێ ژی د ناڤا وان كۆچبه‌ران دا بوون.
رێخستنێ دا زانین کو پرانییا کۆچبەران ژ جەزاییرێ بوون، لێ د کەشتییەکێ دا 23 پەنابەرێن ژ سووریێ ژی هەبوون.
پرانییا کۆچبەران ژ کەشتیێن ل ئاڤێن نێزیکێ بالەئاریك و 91 کەس ژی ل بەراڤێن ئالجانتە یا ل باشوورێ رۆژهلاتێ ئیسپانیا هاتنە رزگار کرن.
رێخستنا خاچا سۆر ل ده‌ربارا ژنا دوجان دیار كر کو ژنا کو ب 8 مەهان دوجانی بوو، بۆ نه‌خوه‌شخانێ هاتییە راکرنێ ژ بۆ كو وەرە دەرمان کرن.
