ناوەندی ڕەوەندی کورد لە دەرەوە، لە پەیامێکیاندا پیرۆزبایی خۆیان ئاڕاستەی سەرجەم ئەو کوردانەی دانیشتووی ئەڵمانیا دەکەن، کە لەم هەڵبژاردنەدا بوونە پەرلەمانتاری ئەو وڵاتە.
دەقی پەیامی پیرۆزبایی:
بە ناوی خۆمان و سەرجەم گەلی کوردستان، پڕ بە دڵ پیرۆزبایی ئاڕاستەی هەریەکە لە فرات عەلی کۆچاک، ژیان عومەر و تایلان کورت، سەڤیم ئایدن، گۆکای ئەکبولوت و جەنان بایرام و قاسم تاهیر ساڵح، دەکەین، کە توانیان لە هەڵبژرادنی پەرلەمانی وڵاتی ئەڵمانیا، سەرکەوتن بە دەست بێنن و ببنە ئەندامی پەرلەمانی ئەو وڵاتە.
ئێمە وەک ناوەندی ڕەوەندی کورد لە دەرەوە، خۆشحاڵ بووین بەو ئەنجامەی بە دەستتانهێنا و، هیوای سەرکەوتنتان بۆ دەخوازین، کە توانیوتانە تێکەڵی پڕۆسە سیاسییەکانی ئەو وڵاتە ببن، ئومێدەواریشین، ئەوەی لە تواناتاندا بێت، چ بۆ گەل و وڵاتی ئەڵمانیا، هاوکات بۆ گەلی کوردستانیش، ئەنجامی بدەن.
ناوەندی ڕەوەندی کورد لە دەرەوە
29.09.2021
