ئه‌مڕۆ هه‌ینی كۆچبه‌رێكی كوردی خه‌ڵكی هه‌رێمی كوردستان، له‌سه‌ر سنووره‌كانی بیلاڕووسیا و پۆڵه‌ندا، به‌هۆی سه‌رماوه گیانی له‌ده‌ست دا.
ئاژانسی شه‌فه‌ق نیوز، له‌سه‌ر زاری هاوڕێكانی ئه‌و كۆچبه‌ره بڵاوی كرده‌وه: كۆچبه‌ره‌كه گه‌نجێكی دانیشتووی هه‌رێمی كوردستان بووه و، ته‌مه‌نی 25 ساڵان بووه، به‌هۆی سه‌رما و برسیبوونه‌وه گیانی له‌ده‌ست داوه.
سه‌باره‌ت به ژماره‌ی ئه‌و كۆچبه‌رانه‌ی له‌سه‌ر سنووره‌كانی بیلاڕووسیا و پۆڵه‌ندا گیریان خواردووه، رایانگه‌یاندووە كه ژماره‌یان هه‌زارانه.
سه‌ره‌ڕای سه‌رمای زستان، له ئێستادا هه‌زاران كۆچبه‌ر كه زۆرینه‌یان كوردن، له‌سه‌ر سنووری بیلاڕووسیا- پۆڵه‌ندان و، خوازیارن پۆڵه‌ندا رێگایان پێبدات بپه‌ڕێنه‌وه وڵاتانی ئه‌ورووپا
