ناوەندی ڕەوەندی کورد لە دەرەوە، بەبۆنەی هاتنەوەی جەژنی لە دایکبوونی پەیامبەر مەسیح، پەیامی پیرۆزبایی خۆیان ئاڕاستەی خوشک و برا کریستیانەکان دەکات، هاوکات جەخت لەوەش دەکاتەوە، کە حکوومەتی هەرێمی کوردستان هەمیشە رێگربووە لەو پیلانانەی کە بە نیازبوون کەلتووری جوانی گیانی پێکەوە ژیان لە نێو کوردستاندا بشێوێنن.
بەبۆنەی ھاتنەوەی جەژنی لە دایکبوونی پەیامبەر مەسیح سه‌لامی خودای له‌سه‌ر بێت، جوانترین پیرۆزبایی ئاڕاستەی سەرجەم خوشک و برایانی کریستیان لە کوردستان بە تایبەتی و، جیھان به‌گشتی دەکەین، ئومێدەوارین ھاتنەوەی ئەم جەژنە گیانی پێکەوەژیان لە هەرێمی کوردستان قوڵتر بکاتەوە و ئەم جەژنەش بەخۆشی كامه‌رانى بۆ ھەموو مرۆڤایەتی بگەڕێتەوە، خۆشبەختانەش حکوومەتی هەرێمی کوردستان هەمیشە رێی لەو پیلانانە گرتووە کە ئەو گیانی پێکەوە ژیانەی کە بووەتە بەشێکی سەرەکی کەلتووری جوانی کورد، بشێوێندرێت.
جەژنتان پیرۆز ھەر لە کامه‌رانیدا بن.
ناوەندی ڕەوەندی کورد لە دەرەوە
24ی12ی2021
