ئارام دهۆکی-کەنەدا
هەولدان بۆ دامەزراندنا فیدراسیونێن رەڤەندا کورد دیارە دیاردەکا کەڤنە، دبیت هەر ژ دەمێ کوردا قەستا دەرڤەی وەلاتێ خۆ کری وەکو کوم دبیت ئەڤ بیروکە پەیدا ببیت کە د زڤرە بۆ سالێن حەفتێیان ژ چەرخێ چووی گەر زووتر نەبە. لێ وەسان دیار دبیت چەند کورد زێدەتر دبن ئەڤ بیروکە پتر و پتر د بیتە بەرێ قورنەتێ ئەوژی دامەزراندنا فیدراسیونەکا ئێک گرتی کو بکاربە نوێنەرەتیا گەلێ کورد بکە و بریارا ببە یەک د هەموو ئالیێن ژیانێدا نەمازە بریارا سیاسی کو هەڤرکیا و داکوکیێ مافێ چارەنووسێ کوردان دکە. نە دوور بەریا سالەک یان زێدەتر بانگەوازەک ژ هەولێرێ دەرکەت بۆ کومکرنا دەنگێ رەڤەندا کورد ل دەرڤەی وەلات تاکو بشێن پتر و پتر کورد ل دوور هەڤ کومببن و کار ل گەل ئێک بکەن. هەر پشتی چەند هەیامەکا کێم زێدە کار ژ بۆ ڤێ مەرەمێ هاتکرن، نەمازە ل ئەۆرپا و ئەمریکا باکوور. خویایە کو کێشا کوردان وەکو هەر کێشەک دن یا ئالوزە گەر چەند جاری ئالوزتر نە بە ژ بەر هەبوونا ئەگەرێن جدا جدا کو پێتڤی نینە بینە زمان، لێ ئێک ژوان کورد مینا هەموو گەلێن دنیایێ یێ بۆیە پارچە پارچە ژ لایێ ئایدلوژیڤە کە ئەوژی جەمسەرێن راست و چەپ و ئولی و نەتەوەی و ….هتد. هەلبەت ئەڤ دیاردە ژی گەلەک نورمەلە. د هەستا مندا کورد هەر پێنگاڤەکا ئێکگرتنێ پاڤێژن باشتر ئەوە باوەری پێکەرێن وێ نە باوەری پێکەرێن وێ پشتەڤانیێ بۆ بکەن. د هەستا خۆدا ئەز وەسان د فکرم کو کێشە یا کوردان مینا شانا هێنگڤینیە و یا پر ژ شانێن خالی و ژ چەندین ئالی و قولیچکا پێک دهێت. پر بوونا هەر قولیچەکێ یان هەر شانەکێ د بیتە ئەگەر پر بوونا بۆشایەکێ، ئەڤجا ئەگەر پرکرنە ژ چەندین شانا پێک بێت ئەو پتر و زووتر کوردان دگه هینە قوناغا پربوونا هەموو شانێ و د گەهیتە قوناغا بەرهەمهینانێ. هەر فیدراسیونەکا ئاڤا بە ئەو بوشایەک پر دکەت کو جارەک دن تە پێتڤی بپرکرنا وێ نینە تەنێ رازیبوونا وان بهەڤرە کارکرنەکا ئێک قەبوول کرن ژ بەر کو دەما فیدراسیونەک یان لایەنەک مینا کومەک مرۆڤان لسەر رێباز و ستراتیژیەکێ کاردکەن بریارا وان بریارەکا گشتیە و لوی دەمی سەر و بنگەهە پێکڤە رازی دبن. لێ بنە بوونا گرۆپێن خودان ئێک ستراتیژی و بریار بیروکا لهەڤ ئینانا ئێک گەلەک بزەحمەتر لێتێ. بۆ نموونە، گەر ئەڤرۆ ئەڤ فیدراسونا رەڤەندا کورد کار لسەر دکە بلا بێژین فیدراسیونا راستێ کوردە، هەر دوی دەمیدا یان بەریا نووکە چەپێ کورد یان ئولیێ کورد فیدراسیون ل هەڤ ئانینە، هەلبەت هەر فیدراسیونەک لدیڤ بیروکا سیاسی و ئایدلوژی جەماوەر و لایەنگیر و ئەندامێن خۆ هەنە. بهەبوونا وان کو هەر ئێکی جدا خۆ بەرهەڤ کریە هەموو پەیرە و پروگرام و هەلبژارتن و سازیێن خۆ دامەزراندبن، ل وی دەمی بۆ هەموو ئالایان وێ بساناهی تر بگەهن جێکرنا بریارا ئێک دەنگیا گەلێ کوردستانێ ل ناڤا رەڤەندا کورد ژ بەر کو هەر پێنگاڤەکا هاڤێتی کوردان پتر نێزیکی بریارا ئێکگرتی دکە. بکورتی من دڤێت بێژم کو ئەڤاکرنا هەر فیدراسویەنەکا رەڤەندا کورد بلا لدیف پەیرەو بیروکا تە ژی نە بە ژ بەرکو کورد پێتڤی ئێکگرتنەکا سەرانسەرینە نەمازە دناڤا رەڤەندا کوردان دا تاکو بشێن رۆلێ خۆ یێ مللی بگێرن بەرامبەر دام و دەزگەهێن وان وەلاتێن لێ دژین. ئەڤرو و بئاڤابوونا ڤان جورە فیدراسیون و کومەلا و هەموو لایەنێن سیاسی زەمینە سازکرینە بیر ل ئێکگرتنەکا ئیك دەنگیا گەلێ کورد بێ کرن هەر چنە بە دناڤا رەڤەندا کورد کە پێکتێت ژ هەموو بیروکا و ئایدلوژیا. لەوان پشتەڤانیا ئاڤابوونا ڤیدراسیونا گەلەک گرنگە بۆ ئاڤاکرنا لوبیەک کوردی لسەر بنگەهەک بەرفرەهتر.
