هەستا ئاڤاکرنا بنگەهێن دیاسپورا و رێکخستنا ناڤمالا کوردی بیروکەک گرنگە لدەرڤەی وەلات ژ بەر زێدەبوونا مشەختێ کورد و گرنگیا هەبوونا وان لناڤ جڤاک و ولاتێن دیموکراتخاز دا دژین. بباوەریا من مشەختێ کورد مینا کەرەستەکێ مللیە گەر بدروستی و بێ جدایەکا هزری و مەجازا کەسوکی بێت بکارئینان و لسەر بنکەک فراوان وێ کاریگەریەک پوزەتیڤ هەبە لسەر رەوشا گشتی یا گەلێ کورد. هەبوونا گەلێ کورد لدەرڤەی وەلات یا گەلێ کورد گەلەک کێمن چاڤ دگەل گەلەک گەلێن دی. دەما کوما گەلە کێم بە و ئەم گەلەک بخو پارچە پارچە بووینە لسەر بنیاتێن جگرافی و سیاسی و چاندی و دەڤوکی و ….هتد. گەر لسەر ڤێ رەوشا مە هەی ئەم ژی بنگەهێن دیاسپورا قەد قەد کەین و چاڤێ مە ل بەرژەوەندیێن کەسوکی و پارتاتیا بەرتەنگ بە، بلا یەم پشتراست بن کو شکەستن یا درێکا مە ژ بەرکو ئەمێ دیسان پەرت و بەلاڤ بین و خالا سەرەکی یا لاوازیا گەلێ کورد هەردەم نە ئێک رێزی بوویە. بیروکا ئێک رێزیێ بۆ مشەختا (دیاسپورا) ژ فەرانە ژ بەر کو نینە سیاسەتمەدار و م-پ پشتڤانیا تە بکە دەما ژمارا پشتەڤانیا تە بۆبوان یا کێم بە ژ بەر کو تۆ چەندەی هندێ وێ پیتەی بکێشە و گازندێن جڤاکا تەبدەن، گەر مە چاڤ لپشتەڤانیا ولاتێن روژئاڤا بە ژ بیرنەکە پارتێن وان یێن سیاسی چاڤێ لدەنگێت تە بوان دا بگەهێن دەستەلاتێ.
کورتیا بابەتی، ئاڤابوونا بنگەهێن دیاسپورا گەلەک گرنگە لێ یا ژ وێ گرنگتر میکانیزما پێک ئینانا ڤێ بیروکێیە د کار کرنێدا. گەر پێنگاڤ لسەر بنایەتەک بابەتیانە نەهێن هاڤێتن وێ بەداخەوە وێ زیانێت وێ پتر بن ژ سوودێن وێ. لەوان گەلەک فەرە پێنگاڤ باشتر ئەوە بهشیاری بێن هاڤێتن وێنە ژ هەموو ئالایاڤە بێت دیتن.
ئارام دهوکی ـ کەنەدا
