سەر لە بەیانی ئەمڕۆ شاعیری دیاری کورد عەلی ئەشرەف نەوبەتی ناسراو بە پەرتەو کرماشانی کۆچی دوایی کرد، کۆنفدراسیۆنی ڕەوەندی کوردستانی لە دەرەوە، پرسە و سەرەخۆشی خۆیان ئاڕاستەی بنەماڵەی کۆچکردوو دەکەن.
دەقی پەیامەکە:
وەک کۆنفدراسیۆنی ڕەوەندی کوردستانی لە دەرەوە، کۆچی دوایی شاعیری دیاری کورد و بە شاعیری ناسک خەیاڵی کورد و خەڵکی کرماشانی رۆژهەڵاتی کوردستان، عەلی ئەشرەف نەوبەتی، ناسراو بە پەرتەو کرماشانی، خەمباری کردین، بە لە دەستدانی کەلێنێکی گەورە کەوتە بواری شیعر و ئەدەبی کوردی، ئەو زیاتر لە سێ هەزار دێڕ بەیتی شیعری هۆنیوەتەوە.
ئەو شاعیر کوردە، کۆمەڵێک بەرهەمی بە پێزی بە زمانەکانی کوردی و فارسی هەیە و، جگە لە شیعرەکانی، کەسایەتی خۆیشی زۆر بووەتە جێگای سەرنجی خەڵکی کرماشان و ناوچەکانی کوردستان بەگشتی و، خۆشەویستییەکی تایبەتی لە دڵی خەڵکی کوردستاندا هەبووە.
بە هیوای ئارامی خانەوادە بەڕێزەکەیانین و لە خودای گەورەش داواکارین، شوێنی عەلی ئەشرەف نەوبەتی بەهەشتی پان و بەرین بێت .
کۆنفدراسیۆنی ڕەوەندی کوردستانی
25ی1ی2022
