ناوەندی ڕەوەندی کورد لە دەرەوە، بە بۆنەی کۆچی دوایی هونەرمەندی کورد زوهدی سەردار، پرسە و سەرەخۆشی خۆیان ئاڕاستەی بنەماڵەکە دەکەن و، مردنی ناوبراو بە خەسارەتێکی گەورەی ناودەبەن.
دەقی پەیامەکە:
ئێمە وەک ناوەندی ڕەوەندی کورد لە دەرەوە، بە بیستنی هەواڵی کۆچی دوایی هونەرمەندی دیار و کوردپەروەر، زوهدی سەردار نیگەران بووین، هونەرمەند لە کاتی ئەنجامدانی پرۆسە مێژووییەکەی ریفراندۆمی سەربەخۆیی هەرێمی کوردستان، شێلگیرانە بەرگری لە مافی بوون بە دەوڵەتی هەرێمی کوردستانی کردووە و هانی هاووڵاتیانی دا، کە بە شانازییەوە بچنە سەر سندووقەکانی دەنگدان و دەنگ بە سەربەخۆیی بدەن.
وەک ناوەندی ڕەوەندی کورد لە دەرەوە، پڕ بە دڵ هاوخەمی بنەماڵە رێزدارەکەی هونەرمەند زوهدی سەردارین، کۆچی دوایی خەسارەتێکی گەورە بوو بۆمان، بە هیواین خودای گەورە بە بەهەشتی بەرینی شاد بکا و ئارامیش بە کەسوکاری ببەخشێت.
ناوەندی ڕەوەندی کورد لە دەرەوە
8ی2ی2022
