لەسەر بانگهێشتی ناوەندی ڕەوەندى كوردستانى لە نەمسا و لەژێر ئاڵای کوردستان، کوردستانیان لە ڤییەنا، یادی جەژنی نەورۆز و سەری ساڵی کوردیان کردەوە
ڕۆژی یەکشەممە ڕێککەوتی 19.03.2023لە کەناری ڕووباری دۆناو، یادی سەری ساڵی کوردی (جەژنی نەوروز) بە ئامادەبونی پترلە( ٢٠٠٠ ) دوو هەزار کەس لە کچان و کوڕانی کوردستانی لە نەمسا یادی نەورۆز و سەری ساڵ کوردی بەرزڕاگیرا .
بەرنامەی یادکردنەوەکە بە خولەکێک بێدەنگی بۆ گیانی پاکی شەهیدانی کوردستان و شەهیدانی شۆڕشی ڕۆژهەڵات و قوربانیانی بومەلەرەزەکەی باکور و ڕۆژئاوای کوردستان ،پاشان چەند سروودی نیشتمانی و شیعری نیشتمانپەروەرانە خوێندرایەوە .
پاشان نزار موسا، بەرپرسی ناوەندی ڕەوەند كوردستانى لە نەمسا، وتاری نەورۆزی ڤییەننا ٢٠٢٣ی پێشکەش کرد، و جەژنی نەورۆزی لەهەمووان پیرۆزکرد و دەستپێکردنی مەراسیمەکەی ڕاگەیاند
لەبەشێکی وتارەکەی بەرپرسی ناوەندی ڕەوەندی کوردستانی باسی لە نادادپەروەرییەی ،کە گەلەکەمان بەسەریدا تووشی بووە ،بەتایبەت شۆڕشی کوردستانى روژهەڵاتی کوردستان و کارەساتی بوومەلەرزەکەی ڕۆژئاوا و باکوری کوردستان کرد.
پاشان کچان و کوڕان بە ديلانى کوردی و ئاوازی هونەر و مۆسیقاى نەتەوەیی لە کەشێکی نەتەوەیی کوردی بە ئاڵای کوردستان مەڕاسیمەکەیان ڕازاوەترکرد ،و دڵی ڕەوەندی کوردستانیان خۆشکردبوو
