لەهەوڵەبەردەوامەکانی ناوەندی ڕەوەندی کوردستانی لەبواری فێربونی زمانی کوردی لەدەرەوە ،هەرلەسەرەتاوە بە کردنەوەی خولی زمانی کوردی بەشێوەی ئۆنلاین بەهەردوو شێوەزاری سۆرانی و بادینی بەهەردوو ڕێنوسی پیتی عەرەبی و لاتیینی،کە بەهاوکاری وەزارەتی پەروەردەی حکومەتی هەرێمی کوردستان دوو خولی سەرکەوتوی بەڕێکردووە ،لە ئێستا پەرەپێدانی بۆ قۆناخەکانی تر لەبەرنامەدایە
لەلایەکی ترەوە دابینکردنی پەرتوکی فێربونی خوێندن و نوسینی کوردی بۆ قوتابخانەکان لە دەرەوە بە هاوکاری و هەماهەنگی وەزارەتی پەروەدەی حکومەتی هەرێمی کوردستان و لەسەر ڕاسپاردەی وەزیری پەروەردە بەردەوامە
هەر لەسەر ڕاسپاردەی وەزارەتی پەروەردەو هەوڵەکانی بەختیار وەیس ئەندامی دەستەی کارگێڕی ناوەند ڕەوەندی کوردستانی لە لەندەن پەرتوکی سەرەتایی فێربونی زمانی کوردی بۆ ئەم قوتابخانە دابینکردووە:-
ريخراوى كانگا
قوتابخانەی ئیبراهیم ئەمین باڵدار
قوتابخانەی زارا
قتابخانه ى كوبانى
قوتابخانەی نیشتمان
قوتابخانەی خانزاد
قوتابخانەی نالی
قوتابخانەی پیرەمێرد
بۆیە بەناوی ناوەندی ڕەوەندی کوردستانی سوپاس و پێزانینی پێشکەشی ئالان حمە سعید وەزیری پەروەردەی حکومەتی هەرێم دەکەین ،بەپاڵپشتییە بەردەوامەکانی بۆ ڕەوەندی کوردستانی ،ئەویش بە کردنەوەی خولی فێربونی زمانی کوردی و دابینکردنی مامۆستا بەشێوەی ئۆنلاین و پەرتوکی قوتابخانەکانی دەرەوەی وڵات
بۆیە دووبارە سوپاس وپێزانینی زۆرمان بۆ بەڕێزیان، کە هەمیشە خەمخۆر و پاڵپشتییەکی باشی کەرتی پەروەردە و فێربونی زمانی کوردی لەدەورەوە بووە
