ئەندامی دەستەی کارگێڕی ناوەندی ڕەوەندی کوردستانی-لەندەن، لەگەڵ بەرپرسی بەشی پەیوەندییەکانی حزبی دیموکراتی کوردستانی ئێران سەردانی پارێزگاری ناوچەی لەمبسی لەندەنیان کرد و لەلایەن پارێزگارەوە پێشوازی کران.
رۆژی سێشەممە، رێککەوتی 1ی8ی2023 بەختیار وەیس ئەندامی دەستەی کارگێڕی ناوەندی ڕەوەندی کوردستانی-لەندەن لەگەڵ رزگار ئالانی بەرپرسی بەشی پەیوەندییەکانی حزبی دیموکراتی کوردستانی ئێران، سەردانی پارێزگاری ناوچەی لەمبس لەندەنیان کرد و لەلایەن سەرباز بەرزنجی پارێزگارەوە پێشوازییان لێکرا.
لە سەردانەکەدا کە مەبەست لێی پیرۆزبایی کردن بوو لە سەرباز بەرزنجی بەبۆنەی وەرگرتنی پۆستەکەیەوە، کە کوردێکی باشووری کوردستانە و چەندین ساڵە نیشتەجێی بەریتانیایە، هاوکات ناوبراویش هەڵوێست و چالاکییە نەتەوەییەکانی حزبی دیموکراتی کوردستانی ئێران و ناوەندی ڕەوەندی کوردستانی بەرز نرخاند و پشتیوانی خۆیشی بۆیان دەربڕی.
