راپووت؛ ئارام دھۆكی – كەنەدا
پێ د چە كو بیروكا دامەزراندنا بنگەھەكي ئيكگرتان كوردان بتایبەت یا ھونەرمەند و نڤێسەڤان بزڤرەڤە بۆ دەمێن درێژ بتایبەتی ل سالێن نۆەتا كو كوردان برەنگەك كومەكی قەستا وەلاتێن دەرڤە كربە نەمازە ئەمریكا و كەنەدا. ھەلبەت ببەلگە و دوكومونت ئەڤ ھەولدانە دبیت پتر ژ باژێرەكی ھاتبیت كرن لێ یا كو ئەز ئاگادار و جھێ ئەز لێ ڤەدگەرێ بۆ سالين نیڤا نۆتان كو ل باژێري ئوتاوە – كەنەدا ئەڤ ھەول ھاتدان و ھەتا كو لوگوو ژی ھات دروستكرن و بلاڤ بوو د رۆژ نوێ دا كو وی دەمی بدەستێن چەند نڤێسەرێن دلسوز دەردكەت. لێ ژ بەر چەندین ئەگەرێن ناڤخۆی و دەرەكی ئەڤ ھەولە سەرنەگرتن كو رۆناھیي ببینە.
ل رۆژێن ئەڤرو كو زەمینە ھەتا رادەیەكی باشتر ساز بوویە، ئەڤ ھەستە پتر یا جھێ خۆ دگریت كو ئەو ژی دزڤریتەڤە بۆ چەندین ئەگەرا بۆ نموونە. پێشكەفتنا تكنولوژیایی، ێدەبوونا رەڤەندا كوردان لدەرڤە ژ وانا ژی زێدەبوونا نڤێسەر و رۆشنبیر و ھونەرمەندا، د گەل خۆ كرنە خۆدانا ھێزێن سیاسی بێ جداھی ل ڤي بیروكێ بەلكی ھنەك كێم یان زێدە لێ ھەر بزاڤەكا كوردی د گەل دامەزراندنا سازیين كوردان نەمازە یێن پیشەیی و بازرگانی و …ھتد. لەوان د گەل و ئاڤابوونا كونفرانسا دیاسپورا كوردی ئئكسەر تەخا نڤێسەر ڤیا ھەر چ زوو دەست بڤی كارێ گرنگ بكەت. ئەوبوو ل 26/12/2023 بانگا ئاڤابوونا لقا نڤێسەرين ئەورپا ھاتكرن و نووكە ژی ل 28/01/2024 بدلخۆشیڤە بانگا دامەزراندنا كومیتەیا دەمكی یا فیدراسونا ئێكەتیا نڤێسەرێن كورد ل ئەمریكا باكوور كە دكە (ئەمریكا و كەنەدا) ھات راگەھاندن.
ھەلبەت تەنێ ل كومبوونا دووێ كووما برادەرين لھەڤ كوومبین شیان بێ دوو دلی چەندین كەسان دەستنیشان كەن بۆ رێكخستنا كار و بارێن ھەلبژارتنا گشتی كو د بیت ل سالا بێت ئەنجامدان یان زووتر. ئەڤ بریار و ھەلبژارتنە ھاتن ئەنجامدان بمڤێانداریا كاك ( سردار جاف و صدیق) كو سەرپرشتیا ئێكەتیا نڤێسەرێن ئەۆرپا دكەن. بۆ زانین ئەو ھەڤالێن ھاتین ھەلبژارتن بڤی رەنگێ خارێنە وەكو ناڤ و بەرپرسیارێتی.
١. غازی حسن – سكرتێر ٢، د. محموود عباس – جێگرێ سكرتێری. ٣. ھشیار جاف – ريكخستن. ٤. ئارام دھۆكی و مەحموود سیامەنسور – راگەھاندن. ٥ . مەمەت كوجك – دارای ٦ . پەیوەندی – عەبدولا کاکە رەش
تێبینی وەكو مە ل پێشیي دیاركری ئەڤ دەستەكە یا دەمكیە (موقت) ە ھەتا كو ھەلبژارتنێت گشتی تێن
