ئەڤرو ئینیێ 22.03.2024 ب ئامادەبوون و پشتەڤانیا شارەداریا باژێرێ مونستەر و هاریکاریا ئەنجومەنێ خوەگونجاندنێ ( ئینتیگراسیۆنسرات ) و ناڤەندا خوەگونجاندنێ ل مونستەر ( Kommunales Integrationszentrum – KI ) کۆمەلا رەوشەنبیری یا کوردی ل مونستەر ئاهەنگا جەژنا نەورۆزێ وەکە ئەرکەکێ نەتەوەیی و نیشتیمانپەروەری و ب بەشداریا جەماوەرەکێ مەزن ژ ڕەڤەندا کوردستانی لباژێرێ مە هاتە لدراخستن .
لدەستپێکێ سەرۆکێ کۆمەلا رەوشەنبیری ل مونستەر دلبرین شنگالی بناڤێ کۆمەلێ و دەستەیا رێڤەبەر بخێرهاتنا مێهاڤانان کر و سوپاسیا هاتنا وان کو وەکو ئەرکەکێ وان یێ نەتەوەیی یێ مەزن ئەڤرو دڤێ روژا نەورۆزێدا ئامادەبووینە . پشترە پەیڤا شارەداریا باژێرڤانیا مونستەر ژ لایێ بەڕێز دکتۆر جیۆرجیۆس تساکالیدیس و پەیڤا ئەنجومەنێ خوەگونجاندنێ ژ لایێ خاتون ماریا سالیناس و پەیڤا ناڤەندا خوەگونجاندنێ ژ لایێ خاتون خێمێنا فلۆک هاتن گوتن .
هەر بڤێ هەلکەفتنێ پەیڤا جەنابێ رێزدار کاک شیفا بارزانی بەرپرسێ دیسکێ رەڤەندا کوردستانی لدیاسپۆرایێ ژ لایێ کاک نادر دۆغاتی سەرۆکێ فەدەراسیۆنا کۆمەلێن کوردستانی لئەلمانیا هاەت خوەندن . هەمیا تەکەزی لسەر پشتەڤانیا خو ژ بۆ رەڤەندا کوردستانی و چاندا خوەگونجاندنێ کرن . هەژیە بێژین کو ئەڤ ئاهەنگا سەرکەفتی یا نەورۆزێ ب ستران و ئاوازێن رەسەنێن کوردی ژ لایێ ڤان هۆنەرمەندێن دەنگخوش د کەش و هەوایەکێ پر ژ هەستێ نەتەوایەتی و نیشتیمانی هاتە دەرباسکرن .
- هۆنەرمەند عەلی سۆفی .
- هۆنەرمەند جان بۆرۆ .
- هۆنەرمەند سەمیر سفوک .
- هۆنەرمەند حسێن موراد .
بژی کورد و کوردستان
کۆمەلا رەوشەنبیری یا کوردی ل مونستەر
Kurdische Kulturgesellschaft in Münster e.V.
22.03.2024 Münster
نڤیسین : دلبرین شنگالی
