ناوەندی ڕەوەندی کوردستانی-بەلجیکا لەگەڵ بەرپرسی کۆمەڵەی هیوا کۆبونەوە و بڕیارییاندا، کە لە بۆنە و پرسە کوردستانییەکاندا هەماهەنگی یەکتربکەن.
لە رێکەوتی ٢٥ حوزەیرانی ٢٠٢٤، جیهانگیر عالی دۆڵەمەری بەرپرسی ناوەندی ڕەوەندی کوردستانی (kdccdk Belgium) بە یاوەری ئەترانیک شاهین جێگری بەرپرسی ناوەند و مستەفا شاکر ستوونی بەرپرسی پەیوەندییەکان لەگەڵ ئەکرەم حەمۆ بەرپرسی کۆمەڵەی هیوا کۆبونەوە.
لە کۆبونەوەکەدا بەرپرسی ناوەند باسی لە چالاکی و کارنامە و پڕۆژەی ناوەندی ڕەوەندی کوردستانی کرد و داوای هەماهەنگی لێکرد. لە بەرانبەریشدا بەرپرسی کۆمەڵەی هیوا، کە هاوکات بەرپرسی کۆمەڵەی هونەرمەندان و نوسەرانی عەفرینە لە بەلجیکا، خۆشحاڵی خۆی دەربڕی بۆ هەماهەنگی و هاودەنگی زیاتری ناوەند و کۆمەڵەکان و هاوکاری یەکتر لە بۆنە و پرسە کوردستانییەکاندا بکەن.
