شاندی ناوەندی ڕەوەندی كوردستانی-كالگێری لەگەڵ چەندین ئەندام پەرلەمان و بەرپرسانی حزبی و حكومی کەنەدا بەشداری بۆنەیەکی تایبەتییان کرد.
ڕۆژی شەممە ڕێكەوتی 6ی جوڵای 2024، شاندێکی ناوەندی ڕەوەندی کوردستانی-کالگێری بە سەرپەشتی ئەحمەد بناڤی بەرپرسی ناوەند و جێگری فدراسیۆنی رەوەندی كوردستانی لە كەنەدا، ئامادەی پێنجەمین ئاهەنگی نانی بەیانی بوون، کە لە لایەن کۆلێژی ماکامی و پەرلەمانتاری کالگاری جاسران سینگ هالان ڕێکخرابوو.
هەر لەو بۆنەیەدا سەرۆکی پارتی پارێزگاران پیێر پۆیلیڤەر لەگەڵ سەرۆک و پارێزەر ئەلبێرتا دانیێل سمیس و چەندین ئەندامی دیکەی پەرلەمانی کەنەدا بەشدارییان کرد. کە تێیدا شاندی ناوەندی ڕەوەندی كوردستانی چاویان بە چەند ئەندامێکی پەرلەمان و بەرپرسانی دیکەی حکومەت كەوت و دیداریان لەپێنا دروست کردنی پەیوەندییەکی بەهێزتر لە نێوان كوردستان و كەنەدا سازدا.
کالگاری ستامپید (Calgary Stampede) پێشانگایەکی ساڵانەی ڕۆدیۆیە، کە ۱۰ ڕۆژە و هەموو تەمووزێک لە کالگاری ئەلبێرتا بەڕێوەدەچێت. ساڵانە زیاتر لە یەک ملیۆن گەشتیار ڕادەکێشێت و یەکێکە لە گەورەترین ڕۆدیۆکانی جیهان و تێیدا نمایشی سەر شانۆ، کۆنسێرت، پێشبڕکێی کشتوکاڵی، پێشبڕکێی چۆکواگن و پێشانگای نەتەوە یەکەمەکان ئەنجامدەدرێن.
