شاندی ناوەندی رەوەندی كورد سەردانی شاری میونیخ ی ئەڵمانیای كرد و بە جیا لەگەل ژمارەیەك چاڵاكوانی كوردنشینی ئەو دەڤەرەیە كۆبووە.
ناوەندی روەند كە پێكهاتبوو لە هەر یەك لە كەژال دەروێش بەرپرسی پەیوەندییە گشتییەكان و هەورامان عەلی تۆفیق بەرپرسی راگەیاندنی گشتی ناوەند ، دیدارێك لەگەل ڤانێسا رەشید كاندیدی كورد بۆ پەرڵەمانی ئەلمانیا ئەنجام دا و پشتگێری خۆیان بۆ ئەو و هەر كاندێكی كورد لە دەروەی وڵات دەربڕی، و بەڵێنان دا لە رێگەی راگەیاندن و پەیوەندییەكانی ناوەندەوە بتوانن بە دەنگدەرە كوردەكان بیناسێنین.
هەر لەم بارەیەوە، ناوەندی رەوەند كورد بەشداری لە ئاهەنگێكی پارتی سەوزی ئەڵمانی كرد كە تایبەت بۆ بانگەشەی هەڵبژاردن و ناساندنی كاندیدە كوردەكە سازكرا بوو، بۆیە ڤانێسا رەشید لە وتەی خۆی دا بە بەشداربووانی راگەیاند كە كوردە و خەڵكی شاری سڵیمانیی باشووری كوردستانە، و شانازی بە كوردبوونی خۆی و بە بەشداریكردنی میوانانی كورد و شاندی ناوەندی رەوەند كرد، و بەڵێنیشی دا ئەگەر سەركەوتنی بەدەست هێنا، ئەوا ئیتر رەوشی پەنابەران لە ئەڵمانیا و دۆزی نەتەوایەتی خۆی لە ناو پەرڵەمان بە بەرچاو دەگرێت.
لەلایێكی دیكەوەو لە میانەی سەردانەكەی دا، ناوەندی رەوەندی کورد چەندین دیدار و چاوپێكەوتن لەگەل ژمارەیەک لە چاڵاكوانانی كوردنشینی ئەو دەڤەرە سازكرد، و لەگەلیان چۆنییەتی بەرەوە پێشخستن و هەماهەنگی و هاوكاریی نێوان كوردەكانی ئەڵمانی بە گشتی و كارەكانی ناوەندی رەوەندی كورد بە تایبەتی تاوتۆیكراون.
