ئاشتی گەرمیانی .. هۆڵەند
کۆمەڵەی کوردی موردایك لە ٩ / ٦ / ٢٠٢١ لە ڕۆژی یاری کردنی منداڵاندا بە بەشداری ١٣٠ منداڵ لەتەمەنی ٢ ساڵ تا دەگاتە ١٤ وە ١٥ ساڵان لە گۆڕەپان و یاریگای وەرزشی شارەکەدا بە کۆمەڵێك کەرەستەی یاری و دیاری و شیرینی ئەو ڕۆژەیان ساز کرد ، کە ساڵانە ئەو چالاکی یە لەلایەن شارەوانی وە کۆمەڵەی کوردی موردایك وە لە شارۆچکەی زەیڤن بێرخن ئەنجام دەدرێت بە ئامادەبوونی چەندین مامۆستاو ڕاهێنەرو شارەزایی بواری منداڵان بۆ پتەوکردنی شارەزایی و ئەکتیڤ بوون و جوڵەی منداڵان لەو تەمەنەو گەشەکردنیان لە ڕووی لەش و لاریانەوە ، لەگەڵ ئەوەی کە هەست کردن بەو ڕۆژەی خۆیان کە تەرخان کراوە تێیدا .
لە چالاکی یەکی تری هونەریدا ڕۆژی ١٠ / ٦ / ٢٠٢١ کۆمەڵەی کوردی موردایك بەسەرپەرشتی نوسەرو شاعیری کورد ( لەتیف عومەر ) لەگەڵ بەرێز پەیتەر نوێنەری هاوس کامری شارەوانی زەیڤن بێرخن دیدارێکیان ڕێکخست بۆ نمایشی فلیمێك دەربارەی کارە هونەریەکانی ( ئاشتی شێخانی ) لەساڵی ١٩٨٠ تاوەکو ٢٠٢١ لە هۆڵی کریستاڵ .. کەباسی لە ئەزموون و کاری هونەری شێوەکاری و نوسین و توێژینەوە لە بواری هونەری شێوەکاری کوردیدا دەکرد ، لەو نمایشەدا کۆمەڵێک لە ئامادەبووان وشارەزایانی هونەر ئامادە بوون ، لە پاش بەخێر هاتنی بینەران بەڕێز لەتیف عومەر بەناوی کۆمەڵەی کوردی موردایك وە بەڕێز پەیتەر بەخێر هاتنی ئامادەبووانی کرد ، باسیان لە سیڤی و چالاکی یەکانی هونەرمەندی شێوەکاری کورد ئاشتی شێخانی کرد لە ماوەی ئەزموونی هونەری ڕابردوو وە داهاتوودا .
