به‌رپرسێكی ئه‌مەریكی دەڵێ، جۆبایدن بڕیاریداوه سیاسه‌تی چاوپۆشی له‌گه‌ڵ ئێران په‌یڕه‌و نا‌كات و وه‌ڵامی هه‌ر هێرشێكی میلیشیاكانی سەر بەو وڵاتە له عێراق ده‌داته‌وه.
ئه‌و به‌رپرسه ئه‌مەریكییه بێ ئه‌وه‌ی ناوه‌كه‌ی ئاشكرا بكرێت، له سه‌رزاری سه‌رۆكی ئه‌مەریكا به رۆژنامه‌ی واشنتن پۆستی راگه‌یاندووه، كه هێرشكردنه سه‌ر ئه‌مەریكییه‌كان به‌بێ سزا نابێت و، له رێگای كه‌ناڵه دیبلۆماسییه‌كانیانه‌وه هۆشدارییان داوه‌ته ئێران، کە پاڵپشتی له میلیشیاكانی عێراق نه‌كات.
ئه‌و به‌رپرسه ئه‌مەریكییه بۆ رۆژنامه‌كه روونیكردۆته‌وه، كه وه‌ڵامدانه‌وه‌ی میلیشیاكان له عێراق، بۆ به‌رپه‌رچدانه‌وه بووه، نه‌ك ئاڵۆزبوونی دۆخه‌كه.
