ئەمڕۆ چوار شەممە هێرشێكی مووشەكی كرایە سەر سەربازگەی عەین ئەسەد لە پارێزگای ئەنبار لە رۆژئاوای عێراق كە هێزە ئەمەریكاییەكانی تێدا نیشتەجێن.
ئاژانسەكانی هەواڵ بڵاویانكردەوە چوار مووشەك ئاڕاستەی بنكەی سەربازی عەین ئەسەد لە رۆژئاوای عێراق كراوە، ئەمە دوو هێرشە لە ماوەی ئەم چەند رۆژەدا.
لەلایەكی دیكەوە سەرچاوەیەك لە نێوەندی مێدیایی هێزەكانی سووریای دیموكرات بڵاویكردەوە بە فڕۆكەی درۆن هێرشكراوەتەسەر كێڵگەی نەوتی عومەر لە رۆژئاوای كوردستان لە سووریا كە گەورەترین بنكەی سەربازیی ئەمەریكایە لە سووریادا.
لەبارەی زیانەكانی ئەم هێرشە مووشەكی و درۆنانەوە هیچ زانیارییەك بڵاونەكراوەتەوە.
ئەمە لە كاتێكدایە شەوی رابردوو هێرشێك بە فڕۆكەی درۆن لە شەوی رابردوو كرایەسەر هێزەكانی ئەمەریكا لەنێو فڕۆكەخانەی نێودەوڵەتی هەولێر.
هاوكات دوو شەو لەمەوپێش بە فڕۆكەی درۆن هێرشكرایەسەر باڵوێزخانەی ئەمەریكا لە بەغدا.
ئەم هێرشانە لە وەڵامی هێرشە ئاسمانییەكەی هەفتەی رابردووی سوپای ئەمەریكایە بۆ سەر بنكەكانی حەشدی شەعبی لە سنووری سووریا.
فەرماندارەكانی حەشدی شەعبی هەڕەشەیان كردووە سەرجەم هێزە ئەمەریكاییەكان لە عێراق و هەرێمی كوردستان
