ڕۆژی دووشممە ئەنجومەنی ئاسایشی نەتەوە یەکگرتووەکان بڕیارێکی پەسەند کرد ،کە داوای لە تاڵیبان کرد ڕێز لە بەڵێنەکانی بگرێت سەبارەت بۆ ئەو ئەفغانانەی دەیانەوێت وڵات بەجێبهێڵن ،بەڵام بڕیارەکەی نەتەوە یەکگرتووەکان لەداوای دامەزراندنی ناوچەی ئارام لە ئەفغانستان کە لەلایەن فەرەنساو بەریتانیاوە پێشنیار کرابوو هیچی لەبارەوەیەوە ڕانەگەیاند
لە کۆی 15 ئەندامی ئەنجومەنی ئاسایشدا 13 ئەندامی ئەنجومەنی ئاسایش دەنگیان بە بڕیارەکەی ئەمریکا دا، لە کاتێکدا چین و ڕوسیا دەنگیان بەڕیارەکە نەدا
لە بڕیارەکەدا هاتووە کە ئەنجومەنی ئاسایش “پێشبینی دەکات،تاڵیبان هەموو بەڵێنەکانی جێبەجێ بکات، بەتایبەتی سەبارەت بە “ڕۆیشتنی سەلامەتی” و “ڕێکخستن” لە ئەفغانستانەوە بۆ ئەو “هاوڵاتیانی ئەفغانی و بیانییەکان” دوای کشانەوەی ئەمریکا لە ڕۆژی سێشەممە
لەلایەکی ترەوە بڕیارەکە ئاماژە بە ناوچەی ئارام یان ناوچەی پارێزراو ناکات کە ئیمانوێل ماکرۆن سەرۆکی فەرەنسا داوای کردبوو
ڕۆژی یەکشەممە سەرۆکی فەرەنسا ڕایگەیاند کە پاریس و لەندەن پێشنیاری داوە بە نەتەوە یەکگرتووەکان ، کە “ناوچەی ئارام” لە کابول لەژێر سەرپرشتیاری نەتەوەیەکگرتووەکا ن دابمەزرێنن ،بۆ ئەوەی یارمەتییە مرۆییەکان بەردەوامبێت.
