نوێنه‌رى تایبه‌تى نه‌ته‌وه‌یه‌كگرتووه‌كان له عێراق دەڵێ، هه‌ڵبژاردنى مانگى 10 ده‌توانرێت بوترێت ده‌بێته باشترین هه‌ڵبژاردن له رابردووى عێراق و، جیهان به گرینگییه‌وه چاودێرى هه‌ڵبژاردنه‌كانى عێراق ده‌كات.
جنین پلاسخارت، نوێنه‌رى تایبه‌تى نه‌ته‌وه‌یه‌كگرتووه‌كان رایگه‌یاند، ئاماده‌كارى زۆرباش بۆ هه‌ڵبژاردنه‌كانى عێراق كراوه، به‌ڵام ناتوانین بڵێین هیچ كه‌موكوڕییەك نییه، ئه‌گه‌ر به‌راوردكارییه‌ك له‌گه‌ڵ هه‌ڵبژاردنه‌كانى پێشوو بکرێت، ئه‌وا ئه‌م هه‌ڵبژاردنه باشترین هه‌ڵبژاردن ده‌بێت له عێراق.
پلاسخارت ئاماژەی بەوەشدا، ئه‌گه‌ر ئەوان بڵێن به‌م هه‌ڵبژاردنه هه‌موو شت ده‌گۆڕێت، ئه‌وا له جیهانیشدا هه‌روابووه هه‌ڵبژاردن هه‌موو شتى نه‌گۆڕیوه و عاساى سحرى نییه.
نوێنه‌رى تایبه‌تى نه‌ته‌وه‌یه‌كگرتووه‌كان ئه‌وه‌شى خسته‌ڕوو، خه‌ڵك پێویسته به ئازادى ده‌نگ بدا، به‌ڵام مه‌رج نییه ده‌رئه‌نجامه‌كه‌ى به دڵى هه‌موان بێت، پێویسته هه‌موان پابه‌ندى ده‌رئه‌نجامى هه‌ڵبژاردنه‌كان بن.
