دوو کوردی ئورمیە کە ساڵی ڕابردوو لەلایەن هێزە ئەمنییەکانەوە دەستگیرکرابوون، دادگای ئێران هەر یەکە و بە 7 ساڵ سزای بەندکردنیان بەسەردا سەپێندرا.
بە گوێرەی هەواڵی رێکخراوی مافی مرۆڤی هەنگاو، لە رۆژانی ڕابردوودا، دوو هاووڵاتی خەڵکی ئورمیە بە ناوەکانی، کامیل جەباروند و ئەنوەر چالشی، لەلایەن لقی یەکەمی دادگای شۆڕشی ئورمیە، هەر یەکە و سزای 7 ساڵ بەندکرانیان بەسەردا سەپێندراوە.
بە گوتەی سەرچاوەیەکی ئاگادار، ئەو سزایە بە تۆمەتی هەوڵدان دژی ئاسایشی نەتەوەیی لە ڕێگەی ئەندامییەتی حیزبی دیموکراتی کوردستانی ئێران، بەسەریاندا سەپێندراوە.
