کۆمیسیاری باڵای پەنابەرانی سەر بە نەتەوە یەکگرتووەکان، ئەمڕۆ هەینی داوای لە حکوومەتی لیبیا کرد، کە پلانێکی بەپەلە دابڕێژێت، بۆ ئەوەی دۆخی ناهەمواری پەناخوازان و پەنابەران وێنای دەکەن، دەستبەجێ بە شێوەیەکی مرۆیی و مافپەروەرانە مامەڵەیان لەگەڵ بکەن.
ڤینسنت کۆشتیل، نێردەی تایبەتی UNHCR بۆ کاروباری رۆژئاوا و نێوەندی دەریای نێوەڕاست، لە راپۆرتێکیدا هاتووە، لە مانگی تشرینی یەکەمەوە کە هێرشی ئەمنی و دەستگیرکردن لە لایەن دەستەڵاتدارانی لیبیاوە دەستی پێکردووە، خراپبوونێکی توندیان بینیوە و، پێویستە دەستەڵاتدارانی لیبیا، پلانێکی گونجاو پێشبخەن تا ڕێز لە مافەکانی مرۆڤ بگرن و چارە بەردەوام پەرە پێبدەن.
لە ڕاگەیەندراوەکەدا هاتووە، کە UNHCR ئامادەیە، لەگەڵ ئاژانسەکانی دیکەی یوئێن، بۆ پشتگیریکردن لە پلانێکی کاری بەپەلە، کە بتوانێت یارمەتیدەربێت بۆ کەمکردنەوەی ئازارە “ترسناکەکانیی پەناخوازان و پەنابەران لە لیبیا.
ئەوەشی گوت کە UNHCR بەردەوام داوا لە دەستەڵاتدارانی لیبیا دەکات، کە ڕێز لە مافی مرۆڤ و کەرامەتی پەناخوازان و پەنابەران بگرن، هاوکات دەستگیرکردن و ئازادکردنی هەڕەمەکیانە ڕابگرن.
