بەپێی ڕاپۆرتی ڕێکخراوی ئۆکسفام ، 10 دەوڵەمەنترین کەسەکانی جیهان لە سەردەمی پەتایی ڤایرۆسی کۆرۆنا داهاتیان زیاتر لە دوو بەرامبەر بەرزبۆتەوە
بەپێی ڕاپۆرتی ئەو ڕێکخراوە خێرخوازییە، 10 دەوڵەمەندترین پیاوی جیهان لەوانە جێف بێزۆس و ئیلۆن ماسک و بیل گەیتس ،سامانیان لە 700 ملیار دۆلار بۆ
1.5 تریلیۆن دۆلار زیادکردووە
هەروەهاسامانی ئێلۆن ماسک لەسەدا 1000 زیادی کردووە، سامانی بیل گەیتس تەنها لەسەدا 30 زیادیکردووە.
ئۆکسفام ئاشکرای کرد ،کە سامانی ئەم دەوڵمەندانە لەکاتی پەتایی کۆرۆنا زۆر زیادی کردووە داوالە دەسەڵاتداران دەکات ،کە ڕێژەی لەسەدا 99 باج لەوکەسانە وەرگیرێت ، بەو پارەیە بتوانرێت ڤاکسین بۆ وڵاتانی کەمدەرامەت دەستبکەوێت
ئەمەو سایتی سکای نیوز لە ڕۆژنامەی (ئیندیپێندنت)ی بەریتانی وەرگرتووە ،کە لەسەردەمی پەتایی کۆرۆنا واتا لە مانگی سێی ساڵی 2020 ڕۆژانە ملیاردێرک پەیدادەبێت
بەڵام بەپێی ئاماری لیستی (فۆربس ) بۆ ملیاردێرەکانی ساڵی 2021، کریدیت سویس و بانکی جیهانی، لەوکاتەی پەتایی ڤایرۆسی کۆرۆنا سەریهەڵداوە 160ملیۆن کەس لەژێر هێڵی هەژاریدا دەژین
لەکۆتایی ڕاپۆرتی ئۆکسفامدا ، پێشبینی بەدەستهێنانی 800 ملیۆن دۆلار دەکات ،بەو پارەیە ڤاکسین و خەرجیە کۆمەڵایەتیەکان پێدابین بکرێت ،و هەروەها داوای لە وڵاتانی پێشکەوتوو کرد ،کە یاساکانی موڵکداری تاک پشتگوێبخرێت و هاریکاری کۆمپانیاکانی ڤاکسین بکرێت ،تا بەرهەمەکانیان فراوان و زۆرتر بکەن
جێی ئاماژەیە پەتایی کۆرۆنا بووە هۆی داتەپینی بازارەکانی جیهان ،بەڵام کۆمپانیاکانی ئەلکترۆنی و تەکنەلۆجی و تەندروستیەکان بووە هۆی بووژانەوەی داهاتی گشتیان ،زیادبوونی گەورەی داهاتی ئەو کۆمپانیانەی کەلەو کەرتانەدا وەبەرهێنان دەکەن .
سۆران حەسەن
