ڕۆژی شەممە کایم ئایشم شونباخ فەرماندەی هێزی دەریایی ئەڵمانیا دەستی لەکارکێشایەوە ،لە دوای ئەو لێدوانەی لە بارەی ئۆکرانیا ڕایگەیاندبوو ،کە دورگەیی کرم تەواو بووە جارێکیتر ناگەڕێتەوە بۆسەر ئۆکرانیا و ئەوەی ڤلادمیر پۆتین سەرۆکی ڕووسیا دەیویست ڕێزە ،کارێکی گەمژانەیە گەر ڕووسیا بیەوێت بەشێک خاکی ئۆکرانیا داگیربکات
هەرلەم بارەوە کیف بانگی باڵوێزی ئەڵمانیا لە ئۆکرانیا کرد و ناڕازەیی وڵاتەکەی پێڕاگەیاند
شونباخ ڕۆژی هەینی لە نیودەلهی پایتەختی هیندستان لەکۆبوونەوەی لەگەڵ کۆمەڵێک لێکۆڵەرەوان ڕایگاندبوو :کە دورگەی کرم تەواو بووە و ئەوەی پۆتین دەیەوێت ڕێزە و داگیرکردنی بەشێکی ئۆکرانیا بە گەمژەیی ناو بردبوو
ئەمەو ئاژانسی فرانس برێس بڵاویکردەوە : دوای لێدوانەکەی کەقەیرانی دیپلۆماسی لێکەوتەوە گوتەبێژی وەزارەتی بەرگری ئەڵمانیا ئێوارەی ڕۆژی شەممە دەست لەکارکێشانەوەی فەرماندەی هێزی دەریایی کای ئاشیم شۆنباخی لەپۆستەکەی ڕاگەیاند
جێی باسە هەرچەندە شۆنباخ داوای لێبوردنی کرد و ڕایگەیاند کە وشەکانی تەنیا بیرو ڕای خۆیەتی و بەشێک نیە لەو پێگەیی کەهەیەتی و ئەوە بە ڕوونی هەڵە بووە
بەڵام لە بەیاننامەیەکدا کە ئێوارەی ڕۆژی شەممە بڵاوی کردەوە ڕوونی کردەوە ،کە دەستی لەکار کێشاوەتەوە بۆ ئەوەی لە زیانی زیاتر بە هێزی دەریایی ئەڵمانیا، و بە تایبەتی کۆماری فیدڕاڵی ئەڵمانیا نەگەیەنێت
سۆران حەسەن
