دەووروبەری دیمەشقی پایتەختی سوریا لە لایەن ئیسرائیلەوە بۆردوومان دەکرێن و، ئاژانسی ئەو وڵاتەش دەڵێ لە لایەن بەرگری دژە موشەکی وڵاتەکەیەوە هەندێ لە موشەکەکان پێکراون.
بەرەبەیانی ئەمڕۆ دووشەمە ئاژانسی دەنگو باسی سوریا، (سانا)، بڵاویکردەوە کە هێزەکانی بەرگری دژە موشەک بەرپەرچی هێرشێکی موشەکی فڕۆکەکانی ئیسرائیلیان لە دەووروبەری دیمەشقی پایتەخت داوەتەوە، هەندێک لە موشەکەکان پێکراون زەرەروزیانی ماددی لێکەوتووەتەوە، بەڵام ئاماژەی بە زیانەکان نەکرد.
جێی باسە هێرشی فڕۆکە و موشەکەکانی ئیسرائیل ناو بە ناو پێگە سەربازییەکانی گرووپە چەکدارەکانی سەر بە ئێران و پێگەی سەربازی ڕژێمی سوریا بۆردوومان دەکەن.
سۆران حەسەن
