بە گوێرەی ئامارێکی زانکۆی جۆنز هۆپکنز، ڕێژەی مردن بە پەتای کۆڤید-19 لە ویلایەتە یەکگرتووەکان 900,000 کەسی تێپەڕاند.
بە گوێرەی داتای تۆمارکراوی ڕۆیتەرز، کۆی ژمارەی مردوان بە کۆڤید-19 لە سەرەتای ساڵی 2020ەوە، بە لایەنی کەمەوە 904,067 کەس مردوون، لە کاتێکدا کۆی گشتی حاڵەتەکان لە ئەمەریکا 75,644,352 کەس بووە.
جۆ بایدن لە راگەیەندراوێکیدا، ئاماژەی بەوەداوە، گەلەکەیان خاڵێکی تراژیدی دیکەی تۆمار کرد، 900,000 ئەمەریکی بەهۆی کۆڤید-19 گیانیان لە دەستداوە، دایک و باوک و باپیران و منداڵ و خوشک و دراوسێ و هاوڕێی یەکدی بوون، هەموو ڕۆحێک قەرەبوو ناکرێتەوە.
ئەوەشی گوتووە، ئەو خۆشەویستانەی کە جێیانهێشتوون، هەموو خێزانێک کە ئەم ئازارەیان بەرکەوتبێت، لە دڵیاندا دەمێنێتەوە.
