بە گوێرەی هەواڵی ڕێکخراوی مافی مرۆڤی هەنگاو، کاتژمێر 11ی پێش نیوەڕۆی دوینێ سێشەممە، هێزەکانی ئیدارەی ئیتڵاعاتی سەقز، لاوێکی تەمەن 28 ساڵییان بە ناوی محەممەد سەلیمی دەستگیرکردووە و بۆ شوێنێکی نادیاریان بردووە.
سەرچاوەیەکی ئاگادار رایگەیاندووە، هێزەکانی ئیدارەی ئیتڵاعات، ناوبراویان لە شوێنی کارەکەی خۆی، کە کارگەی دروستکردنی دەرگا و پەنجەرەی PVC یە، بە بێ پیشاندانی هیچ بەڵگەیەکی دادوەری، دەستگیریان کردووە.
تا هیچ زانیارییەک لەسەر هۆکاری دەستگیرکران و ئەو تۆمەتانەی، کە خراونەتە پاڵ محەممەد سەلیمی و هەروەها چارەنووسی دیار نییە.
جێی باسە بە گوێرەی ئامارەی رێکخراوی هەنگاو، تەنیا لە ماوەی یەک مانگی ساڵی نوێدا، نزیکەی پەنجا چالاکوانی کورد لە شارە جیاجیاکانی کوردستانی رۆژهەڵاتدا، لە لایەن دەزگا ئەمنییەکانی ئێرانەوە دەستگیرکراون
