دادگایەکی ئەڵمانیا سزای زیندانیکردنی بەسەر دوو هاوسەری پۆڵەندیدا سەپاند، ئەوەش بە تاوانی گەیاندنی 16 کۆچبەر لە بیلاڕووسەوە بە ڕێگەی پۆڵەندا بۆ ئەڵمانیا، کە لە دۆخێکی نامرۆڤانەدا بووە، بەو پێیەی ئەو کەسانە خراونەتە نێو پاسێکی بچووک.
دادوەرەکە لە کاتی سزادانیان، پیاوەکەی بە سێ ساڵ و، هاوسەرەکەیشی ە دوو ساڵ و چوار مانگ سزا دا، هاوکات دەریشکەوت کە پیاوەکە مۆڵەتی شۆفێری نییە.
ئەو دوو هاوسەرە دانیان ناوە بە گواستنەوەی 12 گەنج و چوار منداڵی عێراقییان، لە بیلیستۆکی سنووری بیلاڕووسەوە بۆ باکووری ڕۆژهەڵاتی ئەڵمانیا، لە کاتێکدا ئەوان لە بنەڕەتدا دوکانێکی سەوزەیان لە وارشۆ هەیە.
بەگوێرەی لێکۆڵینەوەکان، ئەو کۆچبەرانە نزیکەی 100 هەزار یۆرۆیان بۆ گەیشتنیان بە ئەڵمانیا داوە بە ئەڵقەیەکی قاچاخچییەتی مرۆڤ.
