ئەمڕۆ نزیکەی 100 هەزار ئۆکرانی ئاوارەی پۆڵەدا بوون
پاوڵ زیفەرناکەر، جێگری وەزیری نێوخۆی پۆڵەندا ئەمڕۆ شەممە ڕایگەیاند، نزیکەی 100,000 کەس لە ئۆکرانیاوە سنوورەکەیان پەڕیونەتەوە پۆڵەندا.
بە گوێرەی ئاژانسی ڕۆیتەرز، لە کۆنگرەیەکی ڕۆژنامەوانیدا، زیفەرناکەر، رایگەیاندووە، کە بەس ئەمڕۆ شەممە 9000 کەس چوونەتە نێو پۆڵەندا و، ئۆکرانیا بەشێک لە ڕێگاکانی ئۆتۆمبێلی داخستووە و، ڕێگەی بە هاتووچۆی پیادە داوە.
ئاژانسی پەنابەرانی سەر بە نەتەوە یەکگرتووەکان (UNHCR) ڕۆژی هەینی ڕایگەیاند، زیاتر لە 100 هەزار ئۆکرانی گەیشتوونەتە وڵاتانی دراوسێ، لەوانە ڕۆمانیا، مۆڵدۆڤا و پۆڵەندا.
ڕۆمانیا دەڵێت لە یەکەم ڕۆژی جەنگدا 10 هەزار کەسی لە ڕۆمانیا وەرگرتووە.
نەتەوە یەکگرتووەکان پێشبینی کرد، کە شەڕی نوێ دەبێتە هۆی ئاوارەبوونی 5 ملیۆن ئۆکرانی لە خاکی ئۆکرانیا
