ئیسرائیل بۆردومانی چەند بنکەیەکی باشووری سوریای کرد
بەرەبەیانی ئەمڕۆ دووشەممە، ئیسرائل بۆردومانی چەند بنکەیەکی باشووری سوریای کردووە و، زیانەکانی رانەگەیەندراون.
ئاژانسی دەنگوباسی سوریا، (سانا)، بڵاویکردەوە، کە بۆردومانەکانی ئیسرائیل، باشووری سوریای گرتۆتەوە، لە گرتە ڤیدۆییەکدا، ناوچەی دیمەشق دەبینرێت کە هێزەکانی بەرگری ئاسمانی ڕژێمی سوریا بەرپەرچی چەند موشەکێکیان داوەتەوە، بەڵام ئاماژەی بە شوێنی بۆردومانەکان و زەرەر و زیانەکان نەکردووە.
وەک لە سایتی سکای نیوز هاتووە، کە پەیامنێران بە ئاسانی گوێیان لە تەقینەوەکانی دەرەوەی دیمەشق بووە.
جێی باسە، هێرشی فڕۆکە و موشەکەکانی ئیسرائیل، ناو بە ناو پێگەی سەربازی گرووپە چەکدارەکانی سەر بە ئێران و پیگەی ملیشا سەربازییەکانی ڕژێمی سوریا بۆردوومان دەکەن.
سۆران حەسەن
