ئێوارەی ئەمڕۆ بەڕێز مەسرور بارزانی سەرۆکی حکومەتی هەرێمی کوردستان پەیوەندیەکی تەلەفۆنی لەلایەن ئەنتۆنی بلینکن وەزیری دەرەوەی ئەمەریکا پێگەیشت.
بەپێی سایتی فەرمی فیسبوکی سەرۆکی حکومەت ، ئەنتۆنی بلینکن سەرکۆنەی هێرشەکەی سەر شاری هەولێری کرد و هاوڕابوو لەوەی ئەم هێرشە نارەواییەی سەر هەولێر تیرۆرستییە،پێشێلکارییەکی زەقی سەروەری عێراقە
لەبەشێکی دی پەیوەندییە تەلەفۆنییەکە سەرۆکی حکومەتی هەرێمی کوردستان
، جەختی لەسەر پێویستیی رووبەڕووبوونەوەی ئەو دەنگۆ و بانگەشە ناڕاستانە كردەوە کە لەم ساڵانەی دواییدا بڵاو دەکرێنەوە و ماوە ماوە دەکرێنە پاساو بۆ هێرشکردنە سەر هەولێر.
ئەمەوسەرۆکی حکوومەت سوپاسی وەزیری دەرەوەی ئەمریکای کرد بۆ سەرکۆنەکردنی ھێرشە تیرۆریستییەکە و داواشی کرد ئەمریکا پشتیوانیی زیاتری هەرێمی کوردستان بکات.
جێی باسە بەپێی بەیاننامەی وەزارەتی ناوخۆی هەرێمی کورستان ،شەوی 12/13-3-2022. پاش کاتژمێر یەکی بەرەبەیانى، 12 مووشەکی دوورمەودای بالیستی لە سنوورەکانی دەرەوەی عێراق، لە رۆژهەڵاتەوە ئاراستەی باڵەخانەی نوێی کۆنسوڵخانەی ئەمریکی لە هەولێر کران و ناوچە سڤیلنشینەکانی نزیک بارەگای کەناڵی کوردستان24 و دەوروبەری بەر هێرشەکە کەوتن
سۆران حەسەن
