ڕەوەندی کوردستانی لە سویسرا بەشداری کردنەوەی ئاگری نەورۆزیان لە شارەکانی لۆزان و زیورخ دادەکەن
ڕۆژی 19.03 لەسویسرا بەبۆنەی جەژنی نەورۆز سەری ساڵی نوێی کوردی ڕەوەندی کوردستانیان لەشارەکانی لۆزان و زیورخ بەشدارییەکی فراوانیان لە کردنەوەی ئاگری نەورۆز کردووە
ئەمەو ئێوارەی 19.03لەسەنتەری شاری لۆزان بەسەرپەرشتی تیما کۆمکار ،رەوەندی زۆری کوردستانیان بە لەبەرکردنی جلی کوردی و گۆرانی هەڵپەرکێی کوردەواری تائێوارەیەکی درەنگ درێژەیان بە ئاهەنگەکەدا ،لە دەمەو ئێوارەش لە شوێنی تەرخانکراو،بە کردنەوەی ئاگرێکی گەورە جۆش و خرۆشی کوردستانیان فراوانتربوو ،
وێنەیەکی جوانی یادکردنەوەی سەری ساڵی کوردیان بەرزڕاگرت
هەروەها هەر هەمان ئێوارە رەوەندی کوردستانی لە شاری زیورخ بەشداریان لە ئاهەنگی یادکردنەوەی جەژنی نەورۆز وسەرساڵی کورد کردووە ،کەلەیایەن ڕێکخراوی ماف سەرپەرشتی دەکرا
لەم یادەدا رەوەندی کوردستانیان بە لەبەرکردنی جلی ڕەسەنی کوردی و کردنەوەی ئاگری نەورۆز جەژنی سەری ساڵی کوردی 2722 ی کوردیان ،بەگۆرانی و هەڵپەڕکێی کوردەواریان پیرۆزکرد
