پێنج کەس لەو هاووڵاتییانەی کە بەشدارییان لە ڕێوڕەسمی جەژنی نەورۆز، لە پارکی منداڵانی سنە کردبوو، لەلایەن هێزە ئەمنییەکانەوە دەستبەسەر کران.
بە گوێرەی هەواڵی هەنگاو، ئێوارەی ڕۆژی دووشەممە 21ی مانگ و سەری ساڵی نوێی کوردی، هێزە ئەمنییەکانی کۆماری ئیسلامی ئێران لە شاری سنە، نزیکەی پێنج کەس لە بەشداربووانی ڕێوڕەسمی نەورۆزی ئەو شارەیان بە ناوەکانی، سوهراب جەلالی 60 ساڵ، خاڵۆ جەماڵ 65 ساڵ، دایە بەتوول 75 ساڵ، فواد عەنایەتی 35 ساڵ و ئاریانا سەلیمی 14 ساڵەیان دەستگیر کردووە.
بە گوتەی سەرچاوەیەکی ئاگادار، ئەو پێنج هاووڵاتییە، دوای بە شداریتان لە ڕێوڕەسمی نەورۆز، کە لە پارکی منداڵان بەڕێوەچوو بوو، دەستگیر کراون و هیچ زانیارییەک لەسەر چارەنووسیان نییە.
جێگای ئاماژەیە، کە خاڵۆ سوهراب، خاڵۆ جەمال و فواد عەنایەتی، لە ساڵانی ڕابردوودا چەندین جار لەلایەن ناوەندە ئەمنییەکانەوە دەستگیر کراون.
