وەزارەتی بەرگری ڕووسیا لە بەیاننامەی ڕۆژانەی خۆیدا، ئەمڕۆ سێشەممە، ڕایگەیاند، ئەو زیانانەی لە ماوەی 24 کاتژمێری ڕابردوودا بەر سوپای ئۆکرانیا گەیشتوون، بڵاو دەکەنەوە.
گوتەبێژی وەزارەتی بەرگری ڕووسیا، ماجینگ ئیگۆر کۆناشینکۆف، گوتی 137 جێگیری سەربازی ئۆکرانیا، کە خاڵی پشکنین و ناوەندەکانی پەیوەندیان تێدابوو تێکشکێنراون، لەنێو ئەو شوێنانەی بۆمباران کراون چەندین موشەک هاویشتن و سیستمی موشەکی دژەفڕۆکە و، هەشت عەمباری مووشەکی چەک و تەقەمەنی و، 101 شوێنی کۆگا بۆ کەرەستەی سەربازی تێدابوون، هاوکات 14 فڕۆکەی بێفڕۆکەوانی ئۆکرانیایی خراونەتە خوارەوە.
لە سەرەتای دەستپێکردنی ئۆپەراسیۆنە سەربازییەکەوە، کە لە 24ی شوباتەوە دەستی پێکردبوو، ئەو ژمارەیە گەیشتە 230، هەلیکۆپتەرە شەڕکەرەکانی رووسیا لە کاتی بۆردومانکردندا لە شەڕەکەدا، 9 تانک و 7 ئۆتۆمبێلی زرێپۆشی ئۆکرانییان تێکشکاندوە، لە ڕووی ئۆپراسیۆنی زەمینیەوە، هێزەکانی ڕووسیا 6 کیلۆمەتر لە پارێزگای دۆنباس لە باشووری ڕۆژهەڵاتی ئۆکرانیا پێشڕەوییان کرد و، دەستیان گرت بەسەر شارۆچکەی ئۆروجینوێ.
وەزارەتی بەرگری ڕووسیا ڕایگەیاند، هێزەکانی دۆنتسک و لوگانسک لە ماوەی 24 کاتژمێری ڕابردوودا دەستیان بەسەر هەشت شارۆچکەی دۆنباسدا گرتووە.
