ڤیکتۆریا نولاند جێگری وەزیری دەرەوەی ئەمەریکا بۆ کاروباری سیاسی، لە چەند ڕۆژی داهاتوودا ئامادەکاری بۆ سەردانی تورکیا و یۆنان و قوبرس دەکات .
بە گوێرەی راگەیاندروێکی وەزارەتی دەرەوەی ئەمەریکا، نولاند پێشتر دەستی کردووە بە گەشتە ئەوروپییەکانی بۆ فەرەنسا، هەروەها بڕیارە سەردانی ئەڵمانیا بکات.
لە بەیاننامەکەی ئەمەریکادا، ئاماژە بەوەکراوە، کە گەشتەکەی نولاند بۆ فەرەنسا و تورکیا و یۆنان و قوبرس و ئەڵمانیا دەبێت، ئەوەش هەوڵێکە بۆ زیاتر پتەوکردنی پەیوەندییە دووقۆڵییەکان و، جەختکردنەوە لەسەر پشتیوانی هاوبەش بۆ ئۆکرانیا.
لە ڕاگەیەندراوەکەدا ئاماژە بەوەشکراوە، کە نولاند لەگەڵ هاوتا فەڕەنسی و ئەڵمانی و بەریتانیاییەکاندا کۆدەبێتەوە و، دواتر سەرۆکی شاندێکی هاوبەشی تورکیا و یۆنان و قوبرس دەبێت بۆ بەشداریکردن لە بەرپرسانی حکوومەت و کۆمەڵگای مەدەنی، بۆ گفتوگۆکردن لەسەر ئاسایشی ناوچەکان.
لە کاتێکدا لە ئەڵمانیا لەگەڵ هاوتاکانی جی 7 کۆدەبێتەوە بۆ گفتوگۆکردن لەسەر کۆمەڵێک کێشەی جیهانی و، چۆنییەتی بنیاتنانەوەی باشتر لە دوای نەخۆشی کۆرۆنا.
جێی باسە، وەزارەتی دەرەوە ئەوەشی خستۆتەڕوو، جێگری یاریدەدەری وەزیری دەرەوە، کارین ساساهارا و جێنیفەر جاڤیتۆ لە سەردانەکەیدا بۆ تورکیا لەگەڵ نولاند هاوەڵ دەبن.
