بەشی دووەم
لەساڵی ٢٠٠٧ یانەی ئۆڵۆمپیاکۆس بڕیاریدا بۆندی ڕیڤاڵدۆ نوێبکاتەوە،بەڵام بەداگرتنی موچەی ساڵانەی،دوای چەندین گفتوگۆ لەنێوان یاریزانەکە و یانەی ئۆڵۆمپیاکۆس،نەگەیشتنە ڕێکەوتن،بۆیە لە ٢٩ی تەمموز ی ٢٠٠٧ ڕیڤاڵدۆ چووە یانەی ئایک ئەسینای ھەمان وڵاتەوە،ڕیڤاڵدۆ لەیەکەم یاریدا لەگەڵ یانە نوێکەی(کەیارییەکی دۆستانەبوو)گۆڵێکی تۆمارکرد،گۆڵێکیشی لەیانەی سیڤیلیا بەلێدانی سزا تۆمارکرد لە یارییەکانی پاڵاوتن بۆ گەیشتن بەقۆناغی گرووپەکانی خولی یانە پاڵەوانەکان،لەجامی یەکێتی ئەوروپا(خولی ئەوروپی ئێستا)ـی ھەمان وەرزدا،ڕیڤاڵدۆ گۆڵێکی ئەکرۆباتیکی زۆر جوانی لەیانەی ڕێد بوڵ ساڵزبۆرگ تۆمارکرد.یەکەم گۆڵی لەخولی یۆنانی لەگەڵ ئایک ئەسینا،لەدژی یانەی پانیۆنیۆس بوو بەلێدانی سزا و لەویارییەدا یانەکەی بەسێ گۆڵی بێبەرامبەر براوەبوو.ھەروەھا لەیاری یانەکەی بەرامبەر ئۆڵۆمپیاکۆسی یانەی پێشوویدا،گۆڵێکی تۆمارکرد و یانەکەی بە چوار گۆڵی بێبەرامبەر لە ئۆڵۆمپیاکۆسی بردەوە.
لە ٢٥ی ئاب ی ٢٠٠٨ ڕیڤاڵدۆ بەڕادیۆی وەرزشی یۆنانی ڕاگەیاند،وەڵامی ئەرێنی لەبەرپرسانی یانەکەی وەرگرتووە بۆ چوون بۆ یانە ئۆزبەکستانییەکە،ھەر لەو لێدوانەیدا ڕایگەیاند بۆندێکی بەپڕە پارەیەکی خەیاڵی پێگەیشتووە و ھەر کەسێکی دیکە بوایە نەیدەواتنی ڕەتیبکاتەوە.بۆندەکەی ڕیڤاڵدۆ بۆ دوو وەرز و بەبڕی ١٠.٢ ملیۆن یۆرۆ.لەیەکەم یاریدا لەگەڵ یانە ئۆزبەکیەکە،ڕیڤاڵدۆ دوو گۆڵی تۆمارکرد،گۆڵی سێیەمی خۆی لەگەڵ یانەکەی لەخولی یانە پاڵەوانەکانی ئاسیا لەقۆناغی ھەشت یانەی تۆمارکرد لەیانەی سایپای ئێرانی لەیاری ڕۆشتندا،لەیاری گەڕانەوەشدا گۆڵێکی تۆمارکرد کە بە دووگۆڵ بۆ ھەردوولا یەکسانبوون.لەھەمان وەرزدا خولی ئۆزباکی و جامی ئۆزباکی لەگەڵ یانەکەیدا بەدەستھێنا،بۆیە یانەکەی ھەستا بەنوێکردنەوەی بۆندەکەی تاکو مانگی ٦ی ٢٠١١.
لەساڵی ١٩٩٣ و لەتەمەنی ٢١ ساڵیدا ڕیڤاڵدۆ بۆیەکەمجار بانگھێشتی ھەڵبژاردەی یەکەمی بەڕازیل کرا،یەکەم یاری ڕیڤاڵدۆ بەرامبەر مەکسیک بوو و تاکە گۆڵی بەڕازیلی لەو یارییەدا تۆمارکرد.لەئۆڵۆمپیادی ١٩٩٦ ڕیڤاڵدۆ لەگەڵ ھەڵبژاردەی بەڕازیل میدالی برۆنزیان لەملکرا،بەڵام لەیاری دیاریکردنی پلەی سێیەمی ڕاھێنەر یاری پێ نەکرد،لەبەرئەوەی ڕیڤاڵدۆ لەیاری ھەڵبژاردەکەی بەرامبەر نیجیریا ئاستێکی بەرزی نیشان نەدا.لەپاڵاوتنەکانی جامی جیھانی ٢٠٠٢ ڕیڤاڵدۆ ئاستێکی زۆر خراپی پێشکەش کرد،تەنانەت بەھۆی بێھێزی و لاوازی ھەڵبژاردەی بەڕازیل لە یارییەکانی پاڵاوتندا(کە زۆر بە زەحمەت گەیشتنە دوا یارییەکانی جامی جیھانی) ھاندەران بەچەندین دروشم داوایان لێکرد واز لەیاریکردنی نێودەوڵەتی بھێنێت. لەجامی جیھانی ٢٠٠٢ـدا ئاستێکی زۆر بەرزی پێشکەشکرد و گۆڵی چارەنوسسازی تۆمارکرد،بەرامبەر ھەڵبژاردەی بەلجیکا گۆڵی سەرکەوتنی تۆمارکرد و وای لەڕاھێنەری ھەڵبژاردەی بەلجیکا کرد بڵێت”کلیلی بردنەوەیان ڕیڤاڵدۆ بوو”.ھەروەھا لەدژی ھەڵبژاردەی ئینگلتەرا گۆڵێکی تۆمارکرد و لەیاری کۆتایدا بەرامبەر ھەڵبژاردەی ئەڵمانیا،ڕیڤاڵدۆ ئاستێکی بێوێنەی پێشکەشکرد و ھەردوو گۆڵی یارییەکەی بۆ ڕۆناڵدۆی ھاوڕێی تۆمارکرد و بۆ جاری پێنجەم بوونە پاڵەوانی جیھان.سکۆلاری ڕاھێنەری ئەوکاتەی ھەڵبژاردەی سامبا ڕایگەیاند کەوا ڕیڤاڵدۆ باشترین یاریزانی جامی جیھانی ٢٠٠٢ بوو.
نازناوی خولی بەڕازیلی یەک جار: ١٩٩٣
جامی ویلایەتی ساوپاولۆ دوو جار: ١٩٩٤،١٩٩٦
جامی یۆرۆ-ئەمریکا یەک جار: ١٩٩٦
لەگەڵ بەرشەلۆنا
نازناوی خولی ئیسپانی دوو جار: ١٩٩٨،١٩٩٩
جامی شای ئیسپانیا یەک جار: ١٩٩٨
جامی سوپەری ئەوروپی یەک جار: ١٩٩٧
لەگەڵ میلان
نازناوی خولی یانە پاڵەوانەکان یەک جار: ٢٠٠٣
جامی ئیتاڵیا(کوپا ئیتاڵیا) یەک جار: ٢٠٠٣
جامی سوپەری ئەوروپی یەک جار: ٢٠٠٣
لەگەڵ ئۆڵۆمپیاکۆس
نازناوی خولی یۆنانی سێ جار: ٢٠٠٥،٢٠٠٦،٢٠٠٧
جامی یۆنان دوو جار: ٢٠٠٥،٢٠٠٦
لەگەڵ بۆنیۆدکۆر
نازناوی خولی ئۆزباکستانی یەک جار: ٢٠٠٨
جامی ئۆزباکستان یەک جار: ٢٠٠٨
تۆپی زێڕینی بەڕازیلی دوو جار: ١٩٩٣،١٩٩٤
باشترین یاریزانی جیھان لەلایەن فیفا یەک جار: ١٩٩٩
تۆپی زێڕینی باشترین یاریزانی ئەوروپا یەک جار: ١٩٩٩
باشترین یاریزانی جیھان(بەپێی گۆڤاری World Soccer) یەک جار: ١٩٩٩
گۆڵکەری کوبا ئەمریکا یەک جار: ١٩٩٩
باشترین یاریزانی کوبا ئەمریکا یەک جار: ١٩٩٩
باشترین یاریزانی خولی ئیسپانی یەک جار: ١٩٩٩
گۆڵکەری خولی یانە پاڵەوانەکانی ئەوروپا یەک جار: ٢٠٠٠
یاریزانی پێکھاتەی باشترین ھەڵبژاردەی جامی جیھانی دوو جار: ١٩٩٨،٢٠٠٢
باشترین یاریزانی بیانی لە یۆنان دوو جار: ٢٠٠٦،٢٠٠٧
