لە کاردانەوەکانی ڕوسیا بەرانبەر لایەنگیری و پاڵپشتی ڕێکخراوە نێودەوڵەتییەکان بۆ لایەنی وڵاتانی ڕۆژئاوا و، تاوانبارکردنی سوپای ڕوسیا بە پێشێلکردنی یاسا نێودەوڵەتییەکانی تایبەت بە شەڕ، کە وەک تاوانباری جەنگ باس دەکرێت، وەزارەتی دادی ڕوسیا فەرمانی هەڵوەشانەوەی 15ڕێکخراوی نێودەوڵەتیدا، کە لە نێویاندا ڕێکخراوی ئەمەریکی تێدایە.
وەک لە ڕاگەیاندکەدا هاتووە، ڕێکخراوی چاودێری مافەکانی مرۆڤی سەر بە نەتەوە یەکگرتووەکان (هیومان ڕایس ۆچ)، ڕێکخراوی لێبوردنی نێودەوڵەتی و دەزگای کارنیگی بۆ ئاشتی نێودەوڵەتی و، چەندین ڕێکخراوی دیکە کار و ئۆفیسەکانیان بەهۆی پابەندنەبوونیان بە یاسای فیدراڵی ڕوسیاوە ڕاگیراوە.
لەمبارەوە ڕێکخراوی چاودێری مافەکانی مرۆڤی سەر بە نەتەوە یەکگرتووەکان، کە بارەگەکەی لە نیۆرکە، ڕایگەیاند، گومان لەوەدا نییە کە ئەم هەنگاوە لە وەڵامی ئەو ڕاپۆرتانەن لە بارەی شەڕەوە لە ئۆکرانیا بڵاو کراونەتەوە.
لەدرێژەی ڕاگەیاندنکەی ڕێکخراوی ناوبراودا هاتووە، حکوومەتی ڕوسیا لە ڕاستیدا لە کارەکانی ناڕوونە و گرینگی بە هیچ ڕاستییەک نادات سەبارەت بە پاراستنی هاووڵاتیانی مەدەنی لە ئۆکرانیا و، ئەوە تەنیا کارێکی سادەیە لە بەڵگەکانمان کە کارمان لە سەری کردووە.
جێی ئاماژەیە، ڕوسیا هەموو ئەو تۆمەتانە رەتدەکاتەوە کە لەبارەی تاوانی جەنگ و دەستنەپارێزی سوپای روسیا لە هاووڵاتیانی مەدەنی، وەک هێرشێکی ڕاگەیاندنی ڕۆژئاوا پێناسەی دەکات.
سۆران حەسەن
