ئیسماعیل سایمازی رۆژنامەنووس ئاشکرای کرد، کە سەرۆک مافیای تورکیا، عەلائەدین تشاکیجی لە تورکیا نەماوە و لە ئەمەریکا نیشتەجێ بووە.
سایمازی لە تویتێکدا نووسیویەتی، کە ئەو زانیاریانەی لە کەسەکانی نزیکی تشاکیجی دەستکەوتووە، کە تورکیای جێهێشتووە و لە ئەمەریکا دەژی، ئەوەشی خستەڕوو کە تشاکیجی سەرەتا چووە بۆ کەنەدا، بەڵام دیارە دۆخەکەی بەدڵ نەبووە و، دواتر چووە بۆ وڵاتە یەکگرتووەکانی ئەمەریکا.
ئەو ڕۆژنامەنووسە تورکە ئاماژەی بەوەدا، کە نزیکەکانی تشاکیجی بانگەشەی ئەوە دەکەن، کە بۆ چارەسەری چووەتە ئەمەریکا.
سایمازی دەشڵێ، کە تشاکیجی سێ ساڵ و نیوە لە ئەمەریکا ژیاوە و، تازە ئاشکرا بووە و نازانرێت تا چەند لەو وڵاتە دەمێنێتەوە.
جێی باسە، تشاکیجی، لەسەر داوای سەرۆکی مەهەپە، دوڵەت باخچەلی لە زیندانی تورکیا ئازاد کرا.
