لە ماریۆپۆلەوە بۆ لوگانسک هێزەکانی چیچان ئامادەکاری بۆ هێرش دەکەن
دوای ئەوەی هێزەکانی ڕوسیا کۆنتڕۆڵی شاری کەناراوی ماریۆپۆلیان گرتە دەست، جگە لە کارگەی پۆڵای ئەزۆڤستاڵ، وا دەردەکەوێت کە هێرش بکەنە سەر ناوچەی لوگانسک.
ئەمڕۆ دووشەممە، هێزەکانی چیچان لە ماریۆپۆلەوە بۆ لوگانسک دەستیان بە جووڵە کردووە و، ڕوسەکانیش لە ڕۆژئاوای پارێزگای لوگانسکەوە بەرەو شاری سلاڤینسک پێشڕەوییان کردووە، سوپای ڕوسیا تواناکانی خۆی لە دەوروبەری ئەو پارێزگایە بەهێز دەکەن.
بۆردومانی قورسی ئۆکرانی سەر بەپارێزگای دۆنتسک، لە چەند کاتژمێری ڕابردوودا زیانی گیانی و برینداری هاوڵاتیانی لێکەوتۆتەوە.
هەروەها دوای کۆنترۆڵی تەواوی ماریۆپۆل لە باشووری ڕۆژهەڵاتی وڵات و هاوسنووری دەریای ئازۆڤ، کە لە سەرەتاوە ئامانجێکی گرینگ و ستراتیژی بوو بۆ ڕوسەکان.
زۆرێک لە چاودێران پێیانوایە، کە ڤلادیمێر پۆتینی سەرۆکی ڕوسیا. لەوانەیە ئۆپەراسیۆنەکانی لە دۆنباس خێراتر بکات بۆ ئەوەی سەرکەوتنێک بۆ گەلەکەی بباتەوە.
