لەپاش کۆبوونەوەی لوتکەیی لەسەرداوای ئەمەریکا پتر لە چل وڵاتی هاوپەیمانان لەئەڵمانیا بڕیاریاندا کە هەموو مانگێک جارێک کۆبوونەوەی لوتکەیی لە بارەی پێشهات و پێداویستی سەربازی و مەدەنی بۆ ئۆکرانیا کۆببنەوە
ئەمەو لوید ئۆستن وەزیری بەرگری ئەمەریکا لە بنکەی سەربازی ڕامشتاین ئەمەریکی لە ئەڵمانیا ڕایگەیاند کۆبوونەوەی پتر لە چل وڵاتی هاوپەیمان دژ بە هێرشی داگیرکاری ڕوسیا و پشتگیرو هاوکاریی سەربازی و دارایی بۆ ئۆکرانیا هەنگاوێکی مەزنە و هۆکارێکی گرنگە بۆ بەردەوامی لە جەنگ و سەرکەوتنی ئۆکرانیا بەرەپێش دەبات
هەر لەو کۆبوونەوەیە ئەڵمانیا بڕیاری دا بە ناردنی 50 تانکی شەڕکەرو بەرگری ئاسمانی بۆ ئۆکرانیا بنێرێت ، وەزیری دەرەوەی ئەمەریکا ئەم هەنگاوەی ئەڵمانیا بە گرنگ ناوبرد
جێی ئاماژەیە سێرگی لاڤرۆڤ وەزیری دەرەوەی ڕووسیا لە چاوپێکەوتنێکیدا ڕۆژی دوو شەمە ڕایگەیاند : چەکە ڕۆژئاواییەکان کە بۆ ئۆکرانیاوە دابینکراوە ، ئاماژەیەکن بۆ ئەوەی ناتۆ لە ڕاستیدا خەریکی شەڕی ڕووسیایە و مۆسکۆش ئەو چەکانە وەک ڕاگەیاندنی شەڕە دژ بەڕوسیا سەیردەکات ، و زەمینەی جەنگی جیهانی سێیەم خۆشدەکات و بەکارهێنانی چەکی ناوەکی نزیکتردەکاتەوە
سۆران حەسەن
